Muela de Sant Chuan
- Pachina
- Discusión
Herramientas
General
Imprentar/exportar
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Muela de Sant Chuan | |
Situación | |
Situación | Griegos (Teruel) |
Latitut | |
Lonchitut | |
Vértiz cheodesico | |
Cheografía | |
Cordelera | Sistema Iberico |
Sierra | |
Macizo | |
Altaria | 1.830 m |
Primera puyada | |
Ruta mas fácil | |
Mapa | |
La muela de Sant Chuan ye una plataforma estructural de materials calsinosos que bi ha entre Griegos y Guadalaviar (provincia de Teruel, Aragón). La suya altaria ye superior a los 1.800 metros y plega a los 1.830 de maximo.
Fa part de lo conchunto de muelas calsinosas que bi ha en los Monts Universals, y ye aislada por las vals de lo río Griegos y la val alta de lo río Guadalaviar.
L'oronimo muela de Sant Chuan ya existiba en lo sieglo XV, y ye documentau como Muela de Sancte Iuan y Muella de Sante Iuan en un texto de 1407[1].
Tamién João Batista Labanha la nombra en "Itinerario del Reyno de Aragón (1610-1611)", como Muela de S. Joan u Penha de S. Johan[2].
La denominación de Sant Chuan pa esta muela s'orichinó por trobar-se-ie la ermita de Sant Chuan Baptista, a on que acudiban los habitants de Guadalaviar muito antes que existís la mesma ilesia parroquial d'ixe lugar[3].
Como cuasi totas las atras muelas de los monts Universals, ye un sinclinal pendiu[4] que tien los costaus con baixos capuzamientos, pareixendo-se externament a las muelas de la depresión d'Ebro. En lo nuclio d'este sinclinal se troba una representación de la Formación Calsineras de Hontoria del Pinar, los zaguers materials cretacios que sedimentoron en l'actual Serranía d'Albarracín.[4]
Ye la sola muela de los Monts Universals con representación de la plana d'erosión intramiocena[5] de lo Sistema Iberico.
Lo livel superior duro son estratos de calsineras y dolomías de lo Cretacio superior que fan cinglos y tienen dolinas en envasador.
Los livels mes baixos son tamién mes tovos y son de materials terrichenos de las formacions Utriellas y Weald, con arenas y archilas. Como forman costeras y son buralencos, bi ha procesos de solifluxión.
Ye una zona a on la vechetación climax ye lo pinar de pin royo con sabina chaparra, estando-ie present tamién lo chinebro, y ye bien representada en la zona mes alta. Las zonas mes baixas y con terreno mes buralenco y paulenco tienen tascas.
Se i ha feito una pista d'esquí de fondo dita La Colocha.
(es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9.
Monts Universals | |
---|---|
Muelas y Plataformas estructurals: Fridas | Mediana | Moscardón | Saldón | Sant Chuan | Val de Cuenca Lomas y sarraus: sierra de L'Algarbe | sierra de Chabalón Altos, cerros, morrons, penyas, picos y puntals: Las Latas | Las Pernalas | | La Cebadilla | La Canyada | Corzo | Cruz de Lázaro | Cuerno | Chabalón | Val Longuiello | El Pu | Moro | Morrón | Alto d'El Cuerno | Punta Raya | Sarriosa | Collaus, pasos y puertos: El Portiello | Canyada d'el Saz | Puerto de Terrient |
Control d'autoridaz |
|
---|