High Noon

Iste articlo ye sobre una cinta estausunidense de 1952; ta atros usos, se veiga High Noon (desambigación).

High Noon
Títol	High Noon
Poster teatralizau d'a cinta.
Ficha tecnica
Dirección	Fred Zinnemann
Dirección artistica	Ben Hayne
Producción	Stanley Kramer
Disenyo de producción	Rudolph Sternad
Guión adaptau	Carl Foreman
Basau en	The Tin Star, relato breu publicau en 1947 en Collier's por John W. Cunningham
Musica	Dimitri Tiomkin
Soniu	Jean L. Speak John Speak
Fotografía	Floyd Crosby
Montache	Elmo Williams Harry W. Gerstad
Escenografía	Rudolph Sternad Murray Waite
Vestuario	Joe King y Ann Peck
Maquillache	Gustaf Norin
Peluquería	Louise Miehle
Efectos especials	Willis Cook
Actors	Gary Cooper Thomas Mitchell Lloyd Bridges Katy Jurado Grace Kelly Otto Kruger Lon Chaney Jr. Henry Morgan
Datos y cifras
País(es)	Estaus Unius
Anyo	1952
Debantadera	1 de mayo de 1952 Londres (Reino Uniu)[1]
	24 de chulio de 1952 Nueva York (Nueva York, Estaus Unius)[1]
Chenero(s)	Cine de western
Durada	85 min.
Idioma(s)	Anglés
Companyías
Productora(s)	Stanley Kramer Productions
Distribución	United Artists
Presupuesto	730.000 dólars
Recauto	12 millons de dólars
Informacions en bases de datos especializadas:

High Noon (títol orichinal en anglés, Meyodía en aragonés), enguerada en Aragón con o títol en castellano de Solo ante el peligro, en aragonésSolo debant d'o periglo) ye una cinta de western de cine estausunidense de l'anyo 1952 dirichida por Fred Zinnemann seguntes un guión adaptau por Carl Foreman d'o relato breu The Tin Star, publicau en 1947 en Collier's por John W. Cunningham. Producida por Stanley Kramer ta la suya productora Stanley Kramer Productions, con una dirección de fotografía de Floyd Crosby y una Banda Sonora Orichinal de Dimitri Tiomkin, actúan en a cinta, entre d'atros, os actors Gary Cooper, Thomas Mitchell, Lloyd Bridges, Katy Jurado, Grace Kelly, Otto Kruger, Lon Chaney Jr. y Henry Morgan.

Ye una cinta destacada en o chenero d'o western en crebar con una d'as caracteristicas esencials d'o chenero, en presentar a lo protagonista no como un hombre decidiu, so que como una persona que tien a coda preta debant d'una situación que li desborda y que se troba no con una comunidat de ciudadans garripos so que con uns ciudadans acobardaus; ixo queda refirmau en escaicer la historia en un lugarón perdiu y medio despoblau y con l'emplego d'o blanco y negro en a filmación, que cheneran una atmosfera anguniosa.^[2]

La critica considera que la cinta ye una alegoría d'a clamada caza de bruixas organizada por o Comité d'Actividaz Antiamericanas d'o Senau d'Estaus Unius impulsau por o senador Joseph McCarthy; amás lo guión d'a cinta ye obra de Carl Foreman, un d'os represaliaus (u blacklisted) por ixe Comité, y a qui clamoron a declarar mientres lo mesmo rodache d'a cinta y a qui lo productor Stanley Kramer no quiso aduyar guaire, encara que Kramer feba parte teoricament d'o sector mas progresista d'o cine estausunidense d'ixas envueltas.^[3]