Antonio Arrufat Gascón
- Pachina
- Discusión
Herramientas
General
Imprentar/exportar
Antonio Arrufat Gascón | |
---|---|
2003 – 2005 | |
Precediu por | Dalmacio Albiol Omella |
Succediu por | Antonio Celma Lombarte |
2007 – 2011 | |
Precediu por | Ángel Gracia Lucia |
Succediu por | Carmen Pobo Sánchez |
20 de noviembre de 2011 – 1 de setiembre de 2015 | |
Naiximiento | 1954 La Cerollera (Teruel) |
Partiu | Partido Socialista Obrero Español |
Profesión | Albeitar |
Antonio Ernesto Arrufat Gascón (La Cerollera, 1954) ye un politico aragonés, militant d'o Partido Socialista Obrero Español (PSOE) en a provincia de Teruel,[1] a on ha estau alcalde, president d'a deputación provincial y senador.
Natural de la Cerollera, en a zona catalanoparlant d'a provincia de Teruel, ye albeitar y ha ocupau cuantos puestos agropecuarios en a provincia. Entre ellos destacó por a suya participación en asociacions ganaderas ovinas y caprinas,[2] en as denominacions d'orichen de pernil de Teruel y ternasco d'Aragón y en a politica agropecuaria teruelana.
De 2003 a 2015 estió alcalde d'a suya localidat natal por o PSOE, cargo que compachinó con atros puestos provincials. En 2007 fue elechiu president d'a Deputación Provincial de Teruel,[3] cargo que desempenyó dica 2011. Ixe anyo fue elechiu senador por a provincia de Teruel.[4] En 2015 dimitió d'o suyo escanyo, cuan mancaban dos meses pa rematar a suya lechislatura, pa pasar a estar delegau territorial d'o gubierno d'Aragón en a provincia de Teruel.
En 2015 dimitió d'os suyos cargos adintro d'o «Escandalo d'o pernil», en o que cuantos exdirectivos d'a denominación d'orichen pernil de Teruel fuoron acusaus d'irregularidaz en a chestión. A causa fue archivada por o chuez[1], reincorporando-lo dimpués a o suyo cargo o gubierno autonomico de Javier Lambán,[5] tornando a estar delegau territorial en a provincia de Teruel,[6] En 2019 fue nombrau asesor d'a presidencia d'o gubierno d'Aragón pa la despoblación.[7]
Predecesor: Ángel Gracia Lucia | President d'a Deputación Provincial de Teruel 2007 - 2011 | Succesor: Carmen Pobo Sánchez |