- Iste articlo ye sobre un municipio aragonés en a comarca d'o Campo de Borcha. Ta atros usos se veiga Alberit.
Alberit de Sant Chuan (Alberite de San Juan en castellano y oficialment) ye un municipio aragonés d'a provincia de Zaragoza, situato en a comarca d'o Campo de Borcha. Fa parte d'o partiu chudicial de Tarazona.
A suya población ye de 99 habitants (INE 2011), en una superficie d'11,23 km² y una densidat de 8,82 hab/km².
Alberit de Sant Chuan ye situato en a val de la Uecha, a 375 metros d'altaria dencima d'o ran d'a mar, y a una distancia de 60 km de Zaragoza, a capital d'a suya provincia y d'Aragón.
O toponimo Alberit deriva seguntes beluns d'o arabe al-barit («a posta» u «a posada»)[1], pero seguntes belatros provién d'o latín ARBORETUM u "puesto con árbols"[2], conservando a xorda intervocalica seguntes a fonetica aragonesa y mozarabe.
Figura como Alberit en un documento de 1158, cuan o Papa Hadrián IV confirma a lo bispe de Zaragoza a posesión d'as ilesias d'a diocesi, y confirma as mugas d'o bispato d'alcuerdo con as que fació o rei visigodo Wamba:
ecclesias de
Noveles, de Razacol, de
Crots, de Meslie, de
Frescaron, de
Magalon, de
Alberit, de
Borota, de
Aianzione, de Crocle, que in vivo
Burge continentur, cum omnibus pertinentiis suis; ecclesias de
Purillosa, de
Calcena, de
Terga, de
Aranda, de
Siarga, et de
Arandega, cum omnibus pertinentiis suis
A primera vegata que apareixe en a documentación medieval ye en 1127, cuan Alifonso I dió a García Iñiguez de Sant Celedonio as casas que teneba en Tudela y confirmaba atras posesions, entre ellas una heredat en Alberit.[3]
Pertenexió a os templers, pero cuan o Temple dixó d'esistir, pasó a estar de l'Orden d'o Hespital de Sant Chuan de Cherusalén, d'on prene l'apelativo.
Eleccions municipals |
Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
Partido Aragonés | | | | | | | | | 1 |
Total | | | | | | | | | 5 |