Veganismus

Veganismus isch wemmer kei Tiirprodukte nutze duet, insbsunders kai tiirische Nahrig (kai Fleisch, Eier, Milch oder Käs). Di meischte Veganer sin vegan us ihre ethische Überzeugig. Andri sin vegan wege ihre Gsundhit.^[1] Veganer esse zum Bispiil Gmües, Obschd, Herdäpfel, Nudle, Reis, Soja, Bohne, Nüss un andri Some.^[2]

Lut däre American Society for Nutrition and Dietetics isch e vegane Ernährig gsund fiir alle Lebensabschnitte, so lang mer sich usgliche ernähre tuet un ufpasst, dass mer alli Nährstoff kriige duet. Mer empfiihlt's, dass Veganer extra Vitamin B12 zu sich nämme. Veganer min au ufpasse, dass si gnuäg Jod kriige.^[3] Di Ditsch Gsellschaft fiir Ernährig dut vun ere vegane Ernährig abrote fir Kinder, Jugendliche, Schwangere und fir Lit, wo stille tin. In erem Positionspapiir vu 2020 schribt di Gsellschaft, dass es nit gnigend Studie zu sellere Gruppe gibt.^[4]

Veganismus gits schu lang. Im elfte Johrhundert het de Poet Abu Al-Ma'arri (heutigs Syrie) sich wege moralische Gründ vegan ernährt.^[5][6] Des Wort vegan hen 1944 di Dorothy Morgan un de Donald Watson erfunde, basiirend uff em änglische vegetarian (vegedarisch).^[7][8][9]

In Ditschland het's 2008 ebbe 80.000 Veganer gä. Sellere Zahl isch in de vergangeni Johr arg gstiige - e Befrogig im Uffdrag vu de Vegane Gsellschaft Ditschland het 2016 gschätzt dass es 1,3 Millione Veganer in Ditschland git^[10], des isch zirka 1,6% vu de Bevelkerig. ^[11]