Schüpfe
 | Dä Artikel behandlet e Gmeind im Bärner Seeland. Angeri Bedütige fingd me do. |
Schüpfe (amtlech Schüpfen) isch e Ywohnergmeind im Verwautigschreis Seeland im Kanton Bärn, Schwyz.
| Schüpfen | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Seeland |
| BFS-Nr.: | 0311 |
| Poschtleitzahl: | 3054 |
| UN/LOCODE: | CH SFN |
| Koordinate: | / 20988747° 2′ 24″ N, 7° 22′ 48″ O; CH1903: 595544 / 209887 |
| Höchi: | 520 m ü. M. |
| Flächi: | 19,83 km² |
| Iiwohner: | 3763 (31. Dezämber 2022)[1] |
| Website: | www.schuepfen.ch |
 Schüpfe: dr Dorfchärn vo Südweschte gseh | |
| Charte | |
 | |
Geografi
Schüpfe ligt im Lyssbachtaau un uf em Frienisberg- u Rapperswiler Plateau. Vor Gmeindsflächi si 57,1 % landwirtschaftlech gnutzte Bode, 33 % Waud, 9,5 % Sidligsflächi u 0,3 % süschtigi Flächi.[2] D Nachburgmeinde si Grossaffoutere u Rapperswiu im Norde, Münchebuchsi im Oschte, Linech u Meikirch im Süde u Seedorf im Weschte.
Gschicht
Schüpfe isch zum erschte Maau im Jahr 1208 aus Scuphon gnennt worde.
Bis zum 31. Dezämber 2009 het d Gmeind zum Bezirk Aarberg ghört.
Ywohner
Quäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 1992 | 1979 | 2102 | 2269 | 2095 | 2194 | 2309 | 2348 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 2150 | 2273 | 2357 | 2404 | 2495 | 2269 | 2820 | 3318 |
Dr Uusländeraateil isch 2010 bi 6,5 % gläge.[2]
Religion
78,2 % vo de Ywohner si evangelisch-reformiert, 10,3 % si römisch-katholisch (Stang 2000).[2]
Politik
Bi de Nationauraatswahle 2019 het s das Ergebnis ggää:[4] SVP 32,4 %, BDP 12,5 %, SP 16,8 %, GPS 13,1 %, FDP 6,0 %, glp 8,8 %, EVP 3,1 %, EDU 1,3 %, CVP 0,9 %.
Gmeindspresidänt vo Schüpfe isch dr Pierre-André Pittet (SVP) (Stang 2021).
Wirtschaft
D Arbetslosigkeit isch im Jahr 2011 bi 1,1 % gläge.[2]
Sprach u Dialäkt
Bir Vouchszeuuig 2000 hei vo de 3318 Ywohner 94,7 % Dütsch aus Houptsprach aaggää, 1,1 % Französisch u 0,6 % Italienisch.[2]
Dr bärndütsch Dialäkt vo Schüpfe ghört zum Hochalemannisch.
Lüt
- Jakob Stämpfli, Politiker u Bundesrat
- Karl Schenk, reformierter Pfarrer u Bundesrat
- Rudolf Minger, Politiker u Bundesrat
- Carl Albert Loosli, Schriftsteller und Journalist
- Franz Matter, Schauspiler u Regisseur
Weblink
Commons: Schüpfen – Sammlig vo Multimediadateie- www.schuepfen.ch
- Anne-Marie Dubler: Schüpfe. In: Historisches Lexikon vo dr Schwiiz.
