Saweetie
D’ Diamonté Quiava Valentin Harper (* 2. Jüüli 1993 z’ Santa Clara, Kàlifornia), bekànnt unter’m Nàmma Saweetie [səˈwiːti], ìsch a US-àmerikànischa Sangera un Rapperin.
.jpg)
| Dialäkt: Mìlhüüserdiitsch |
Noh dr Veräffentligung vun ìhrer äärschta Sìnggel Icy Grl ànna 2017 hàt sa a Vertrààg mìt’m Läibel Artistry Worldwide, era Filiààla vu Warner Records, unterzaichent. Ànna 2018 hàt sa ìhra äärschta EP High Maintenance veräffentligt. Ìhra zwaita EP Icy ìsch ìm März 2019 üssagànga; doo druff ìsch d’ Sìnggel My Type z’ loosa, wo bis ìn d’ àmerikànischa Top 40 glunga-n-ìsch. Ìhra baida Sìnggels Tap In un Best Friend (zamma mìt dr Doja Cat) sìnn bis ìn d’ Top 20 vum Billboard Hot 100 glunga. Ànna 2022 ìsch d’ Saweetie zwaimol fìr d’ Grammy Awards nominiart worra — drunter ìn dr Kàtegorii „Bäschter Näijer Kìnschtler“.
ìhra Kìndhait un Jugendsjoohra
D’ Diamonté Quiava Valentin Harper ìsch àm 2. Jüüli 1993 z’ Santa Clara ìm Bundesschtààt Kàlifornia uff d’ Walt kumma. Ìhra Müatter Trinidad Valentin ìsch Videomodäll gsìì un hàt filippinischa un kineesischa Wurzla.[1][2] Ìhr Vàtter Johnny Harper ìsch Àfroàmerikàner.[3][4] D’ Harper ìsch z’ Sacramento uffgwàcksa. D’ Müatter hàt sìe mìt 17 Joohra uff d’ Walt gebrocht. Dr Vàtter ìsch àui sehr jung gsìì. Baida Äältra hann vììl müassa schàffa, àlso ìsch d’ Harper vun àndra Fàmìliamìtglììder, bsunderscht vun ìhra Groossäältra, ärzooga worra.[5][6] D’ Harper ìsch s’ Niässla vum zwaita Grààd vu dr Schàuischpììlera Gabrielle Union.[7] Sa ìsch àui d’ Ankeltochter vum Football-Schpììler Willie Harper, wo fìr d’ San Francisco 49ers gschpììlt hàt.[8]
D’ Harper ìsch z’äärscht ìns Merrill F. West-Gümnààsium z’ Tracy gànga un hàt ìhr Schüalàbschluss àm Monterey Trail High School z’ Elk Grove bschtànda.[9][10][11][12] Mìt 13 Joohra hàt sa ìhra äärschta Liader gschrììwa. Noh ìhrer Zitt ìm Gümnààsium hàt sa àn dr Schtààtsüniwärsiteet vu San Dieo Kommünikàzioon gschtudiart. Ìhr Àbschluss vu dr Kommünikàzioon (BA) hàt sa àn dr Üniwärsiteet vum Süüdliga Kàlifornia bschtànda.[13] Noh dr Zitt àn dr Üniwärsiteet hàt sa sìch ìm Hip-Hop gwìdmet.[14][15][11]
ìhra Müüsikkàrriar
2016–2018: High Maintenance
Ànna 2012 hàt d’ Saweetie ìhra äärschta kurza Rapvideos uff Instagram veräffentligt. Schpeeter hàt sa mehrera Freestyle-Videos veräffentligt, wo sa ìn ìhrem Wààga dräijt hàt.[16][17] Ìn’ra Video hàt sa ìwwer’m Tàkt vum Liad My Neck, My Back (Lick It) vu dr Rapperin Khia grappt — dia Wärsioon ìsch s’ Liad Icy Grl worra,[9][11][18] wo ìm Summer 2017 uff SoundCloud veräffentligt worra-n-ìsch. S’ Liad hàt dr Müüsikproduzänt Max Gousse bmärkt; ar ìsch schpeeter ìn dr Saweetie ìhr Manatscher worra.[19][20][11] Ìm Nätz ìsch s’ Video mehr àss 100 Millioona Mol glüagt worra (Schtànd: Jüüni 2020).[14][11] Ìm saalwa Moneet hàt d’ Saweetie dr Freestyle-Rapsong High Maintenance veräffentligt; d’rzüa hàt sa a klaina Video veräffentligt, wu sa a Gsätzla vum Liad rappt. S’ Video hàt eewafàlls a groosser Ärfolg uff Instagram un Twitter ghàà. Ìm Oktoower 2017 hàt d’ Saweetie a Video zem Liad Focus veräffentligt, wu sa ìwwer’m Tàkt vum DRAM siim Liad Gilligan rappt.[21] Ìm Moneet druff ìsch sa zamma mìt’m Zaytoven ìm Liad Expensive z’ loosa gsìì.[22]
Ìm Janner 2018 ìsch d’ Saweetie uff Tidal àls „uffschtaigander Kìnschtler vu dr Wucha“ ärnännt worra.[23] Ìm gliicha Moneet ìsch sa vu Pigeons & Planes bii da „Bäschta Näija Kìnschtler vum Moneet“ glischtet worra.[24] Wahrem Super Bowl LII ìm Hornung 2018 ìsch sa ìn’ra Warwaschpott fìr dr Rihanna ìhra Scheenhaitsmàrka Fenty Beauty z’ sah gsìì.[25] Ìm saalwa Moneet hàt sa Vertrààg biim Läibel Warner Bros. Records unterzaichent, wia àui biim Gousse siim Läibel Artistry Worldwide.[14][26][27][28]
Ìm Hornung 2018 hàt d’ Saweetie ìhr aiga Müüsikläibel Icy Records grìnda.[29][30][31] Àm 16. März 2018 hàt sa ìhra äärschta EP High Maintenance uff’m aigana Läibel veräffentligt. D’ EP zehlt niina Liader — drunter d’ Sìnggel Icy Grl — un ìsch vum CashMoneyAP, em Nyrell un em Zaytoven, em Küsää vu dr Saweetie, produziart worra.[32][33][34] Ìm Àwrìl 2018 ìsch a Remix vum Liad Icy Grl zamma mìt dr àmerikànischa Sangera Kehlani unter’m Tìtel „Bae Mix“ ärschììna.[35] D’ Sìnggel Icy Grl ìsch bis uff Plàtz 6 ìm Chart „Bubbling Under Hot 100“ ànakumma. Sa ìsch ìm Jüüni 2018 àls Guldiga Schàllplàtta üsszaichent worra, mìt mehr àss 500.000 Verkaif ìn da Verainigta Schtààta.[36] Ìm Septamber 2019 ìsch sa àls Plàtiin-Schàllplàtta üsszaichent worra un ìsch bis àm Schpìtzaplàtz vum Billboard Rhytmic Songs Airplay Chart glunga.[37][38] Ìm Kànàdà ìsch d’ Sìnggel ìm Jüüli 2019 àls Guldiga Schàllplàtta üsszaichent worra.[39] D’ EP High Maintenance ìsch bis uff Plàtz 32 vum àmerikànischa R&B/Hip-Hop-Albumchart glunga.[40] Sa hàt a güata Kritik vu dr Zittschrìft Pitchfork bikumma: Ìn da Àuiga vu dr Briana Younger ìsch s’ Wark „z’frììdaschtällend zem Ààloosa. ’S ìsch voll vu wìtziga Bmärkunga un fracha Sätz, womm’r därfa zitiara“.[41]
Naawadràà hàt d’ Saweetie ànna 2018 hüüfig mìt àndra Kìnschtler gschàfft: Sa ìsch z’äärscht ìm Àuigscht 2018 ìm Quavo siim Video zem Liad Working Me ufftratta,[42][43] un ìm gliicha Moneet ìsch sa ìm Liad Up Now vum Rapper London on da Track z’ loosa gsìì.[44] Ìm Nowamber 2018 hàt sa ìhra Sìnggel Pissed loo veräffentliga.[45][46] Witterscht hàt sa àm Liad I’m That Bitch mìtgmàcht, wo-n-ìm Septamber 2018 uff’m Àlbum 7 vum David Guetta ärschììna-n-ìsch.[47] Ìm Moneet druff ìsch sa ìm Liad Give It To ’Em vum Quavo z’ loosa gsìì, wo uff siim Àlbum Quavo Huncho ärschììna-n-ìsch.[48] Ìm Oktoower 2018 hàt sa àm Liad You Come First vum Zak Abel mìtgmàcht.[49]
2019–2020: Icy un àndra Projakter
Àm 29. März 2019 ìsch ìn dr Saweetie ìhra zwaita EP Icy üssagànga. Sa zeehlt sììwa Liader; zwai d’rvu sìnn zamma mìt’m Quavo uffgnumma worra. D’ Sìnggel My Type hàt dr saalwa Tàkt wia s’ Liad Freek-a-Leek vum Petey Pablo (2004)[50] — d’ Sìnggel hàt dr London on da Track produziart.[51] Ìn dr äärschta Wucha-n-ìsch d’ Sìnggel uff Plàtz 81 vum Billboard Hot 100 gsìì. Domìt ìsch sa d’ äärschta Sìnggel vu dr Saweetie ìn dam Chart gsìì.[52] D’ Sìnggel ìsch bis àm Plàtz 21 vum Chart glunga.[53] Üsserdam sìnn mehrera Remix-Wärsioona vum Liad üssagànga: z’äärscht ìsch àm 23. Àuigscht 2019 a Remix zamma mìt dr Jhené Aiko un da City Girls üssagànga,[54] un d’rnooh a Latino-Remix-Wärsioon vum Liad zamma mìt dr Becky G un dr Melii àm 20. Septamber 2019.[55] Wittera Kìnschtler hann Remix-Wärsioona vum Liad uffgnumma, wia dr Dillon Francis, dr French Montana, dr Wale un d’ Tiwa Savage; àlla sìnn uff dr Sùnder-EP My Type (The Remixes) z’ loosa.[56] S’ Liad My Type ìsch ìm Septamber 2019 àm Schpìtzaplàtz vum Chart Rythmic Radio gsìì[57] un ìsch bis àm Plàtz 21 vum Billboard Hot 100 ànakumma. Schpeeter ìsch d’ Sìnggel ìn da USA àls dräifàcha Plàtiin-Schàllplàtta üsszaichent worra.[37][58] Àui ìn wittera Lander hàt s’ Liad a groosser Ärfolg ghàà: Ìn Kànàdà ìsch’s àls zwaifàch Plàtiin üsszaichent worra,[59] ìn Poola àls Plàtiin,[60] so wia àls Guldiga-Schàllplàtta ìn Àuischtrààlia.[61] Ìm àuischtrààlischa Sìnggelchart ìsch s’ Liad uff Plàtz Säcks ànakumma.[62] Àn dr Verlaihung vu da BET Hip-Hop Awards ìm Oktoower 2019 hàt d’ Saweetie zamma mìt dr Petey Pablo un dr Produzänt Lil Jon s’ Liad My Type gsunga.[63]
Ìm Mai 2019 hàt d’ Saweetie àls Gàschtkìnschtlera-n-àm Liad Can’t Do It vu dr Loren Gray mìtgmàcht.[64] Ìm Jüüni 2019 ìsch sa ìm Liad Addiction vum Big K.R.I.T. z’ loosa gsìì — àm Liad hàt àui dr Rapper Lil Wayne mìtgmàcht.[65] Witterscht hàt sa ìm Mai 2019 zamma mìt’m Quavo s’ Liad Too Much Shaft uffgnumma — dàs ìsch dr Soundtrack vum Film Shaft, wo àm 14. Jüüni 2019 ìn da USA ärschììna-n-ìsch.[66] Ìm Jüüli 2019 ìsch sa ìm Liad No L's vum Hit-Boy z’ loosa gsìì,[67] wia àui ìm Liad Come On zamma mìt da City Girls un em DJ Durel ìm saalwa Moneet.[68][69]
Ìm Septamber 2019 hàt d’ Saweetie zamma mìt dr britischa Moodamàrka PrettyLittleThing a Kollekzioon uff dr Màrkt brocht, wo „PrettyLittleThing x Saweetie“ haisst.[70] D’ Kollekzioon ìsch zem äärschta Mol uff dr New York Fashion Week vorgschtällt worra.[71] Àm 28. Janner 2020 ìsch d’ Saweetie àls Gàscht ìn dr Sandung Nick Cannon Presents: Wild 'N Out vu VH1 ufftratta, wu sa ìhr Liad My Type gsunga hàt.
sitter 2020: Pretty Bitch Music
Àm 20. Jüüni 2020 ìsch ìn dr Saweetie ìhra Sìnggel Tap In üssagànga. Sa ìsch d’ Hàuiptsìnggel vun ìhrem kìnftiga-n-Àlbum Pretty Bitch Music. D’ Sìnggel ìsch bis àm Plàtz 20 vum Billboard Hot 100 glunga — domìt ìsch sa ìn dr Saweetie ìhra zwaita Plàtziarung ìn dam Chart[72] un ìhra äärschta Top-20-Plàtziarung gsìì. Sa ìsch àui ìhra äärschta Plàtziarung ìm UK Singles Chart gsìì — doo ìsch sa uff Plàtz 38 ànakumma. Ìm Septamber 2020 ìsch d’ Sìnggel àm Schpìtzaplàtz vum Mediabase’s Urban Radio Chart un vum Billboard x Triller US and Global gsìì.[73] Ìm Àuigscht 2020 ìsch a Remix-Wärsioon unter’m Tìtel Tap In Remix üssagànga. Doo sìnn d’ Rapper Post Malone, DaBaby un Jack Harlow z’ loosa.[74] S’ Liad ìsch bii da MTV Video Music Awards 2020 àls „Liad vum Summer“ nominiart worra.[75] D’ Sìnggel ìsch ìn da USA un ìm Kànàdà àls Plàtiin-Schàllplàtta üsszaichent worra,[76][77] wia àui àls Guldiga Schàllplàtta ìn Poola.[78]
Àm 2. Jüüli 2020 ìsch d’ Warwasìnggel Pretty Bitch Freestyle üssagànga.[79][80] Àm 31. Jüüli 2020 ìsch d’ Saweetie ìm Liad Bussin 2.0 vu dr Rapperin Tay Money z’ loosa gsìì. Ìm saalwa Tààg ìsch s’ Video zem Liad üssagànga, wu àui d’ Saweetie z’ sah ìsch.[81] Àm 6. Àuigscht 2020 ìsch sa zamma mìt’m Lauv ìm Liad Kings & Queens, Pt. 2 vu dr Ava Max z’ loosa gsìì.[82] Witterscht ìsch ìm Septamber 2020 s’ Liad Money Mouf üssagànga, wu d’ Saweetie zamma mìt da Rapper YG un Tyga z’ loosa-n-ìsch.[83] Àm 23. Oktoower 2020 hàt sa zamma mìt dr Jhené Aiko ìhr Liad Back to the Streets veräffentligt; ’s ìsch d’ zwaita Sìnggel üss’m Àlbum Pretty Bitch Music.[84] D’ drìtta Sìnggel vum Àlbum, Best Friend (zamma mìt dr Doja Cat), ìsch àm 7. Janner 2021 üssagànga.[85] D’ Sìnggel ìsch àm Schpìtzaplàtz vum Chart US Rhythmic un uff Plàtz 6 vum Hot R&B/Hip-Hop Songs gsìì. Üsserdam ìsch’s uff Plàtz 12 ìn da frànzeescha Sìnggelcharts ànakumma. D’ Sìnggel ìsch ìn da USA àls zwaifàcha Plàtiin-Schàllplàtta üsszaichent worra,[86] wia àui àls dräifàcha Plàtiin-Schàllplàtta ìm Kànàdà,[87] so wia àls Guldiga Schàllplàtta ìm Poola[88] un Àuischtrààlia.[89] Bii da MTV Video Music Awards 2021 ìsch s’ Video zem Liad mìt’m Priis vu dr Bäschta Kìnschtleriga Reschii üsszaichent worra.[90] S’ Wark hàt àui Nominiarunga bii da BET Hip-Hop Awards, da People’s Choice Awards, da Grammy Awards un da NAACP Image Awards ghàà. Ìnsgsàmt sìnn fìmf offiziälla Remix-Wärsioona vum Liad üssagànga; aina d’rvu ìsch mìt dr diitscha Sangera un Rapperin Katja Krasavice uffgnumma worra.[91] Daa Remix ìsch aina Wucha làng àm Schpìtzaplàtz vu da diitscha Charts blììwa.[92][93] Ànna 2020 ìsch d’ Saweetie vu dr Zittschrìft Forbes bii da „30 Under 30 Music“ glischtet worra, un àui bii da „Hitmakers Impact“ vu dr Zittschrìft Variety.[94]
Ìm März 2020 ìsch sa s’ Waarwamodäll vu dr Moodakolläkzioon „Edge Fixer Glued x Saweetie“ worra.[95][96] Ìm Oktoower 2020 hàt sa ìhra Online-Bìldungsplàttform Icy University grìnda.[97] Ìm Joohr 2021 hàt sa àui mehrera Moodaprojakter ghàà: sa hàt ìhra aigana Schmuckakollekzioon uff dr Màrkt gebrocht, so wia-n-a Beklaidungskolläkzioon ìn Zammaschàffa mìt’m Ainzelhandler PrettyLittleThing, wia àui a Schmìnketakolläkzioon ìn Zammaschàffa mìt dr Màrka Morphe.[98] D’rzüa hàt sa ìm Hornung 2021 d’ Kolläkzioon Essenchills ìn Zammaschàffa mìt Sinful Colors uff dr Màrkt gebrocht,[99][100][101][102] un ìm Àuigscht 2021 hàt sa a Pàrtnerschàft mìt McDonald’s unterschrììwa, fìr ìn da Kunda-n-a „Saweetie Meal“ ààbìata.[103][104] Ìm Jüüni 2021 hàt sa d’ Culture Con 2021 moderiart — dàs ìsch a Versàmmlung vu fàrwiga Kìnschtler gsìì.[105][106][107] Üsserdam hàt sa ìhr äärschter Ufftrìtt àm Farnsah ghàà, wu sa ìn dräi Folga vu dr Seria Grown-ish d’ Rolla vu dr Indigo gschpììlt hàt.[108]
Ìm Àwrìl 2021 hàt d’ Saweetie ìhra drìtta EP Pretty Summer Playlist: Season 1 veräffentligt.[109] Uff dr EP sìnn d’ Sìnggels Risky (zamma mìt’m Drakeo the Ruler) un Talkin' Bout vum Loui z’ loosa,[110][111] wia àui s’ Liad Seesaw zamma mìt’m Quavo.[112] Àm 30. Àwrìl 2021 ìsch d’ Saweetie uff’m Remix vum Liad Confetti vu dr britischa Grupp Little Mix z’ loosa gsìì;[113] s’ Video zem Liad ìsch àm saalwa Tààg üssagànga. S’ Liad ìsch bis àm Plàtz 9 ìm britischa Sìnggelchart glunga. Àm 7. Mai 2021 hàt d’ Saweetie s’ Liad Fast (Motion) àls viarta Sìnggel vu Pretty Bitch Music veräffentligt.[114] Ìm Àuigscht 2021 ìsch d’ Saweetie ìm Liad Out Out vu da britischa DJs Joel Corry and Jax Jones z’ loosa gsìì — àm Liad hàt àui d’ britischa Sangera Charli XCX mìtgmàcht.[115] D’ Sìnggel hàt a internàzionààler Ärfolg ghàà: Sa ìsch ìm Eeschtriich un Itàlia àls Plàtiin-Schàllplàtta üsszaichent worra,[116][117] so wia àls Guldiga Schàllplàtta ìn Diitschlànd un Frànkrììch.[118][119] Ìm Oktoower 2021 ìsch s’ Liad Faking Love vu dr bràsiliànischa Sangera Anitta ärschììna, wu d’ Saweetie àls Gàschtkìnschtlera z’ loosa-n-ìsch.[120][121] Baida Kìnschtlerinna hann ìm Moneet druff ìn dr Sandung The Late Late Show s’ Liad gsunga.[122] Ìm Nowamber 2021 ìsch d’ Saweetie Moderàtoora bii dr Luschtschpììl-Sandung Sex: Unzipped gsìì, wo uff Netflix ärschììna ìsch.[123][124][125] Àm 19. Nowamber hàt sa ìhra Sìnggel Icy Chain veräffentligt, wo sa àm Tààg druff àn dr Sandung Saturday Night Live gsunga hàt.[126] Ìn dr Sandung hàt sa àui d’ Liader Tap In un Best Friend gsunga.[127] Àm Andsjoohr 2021 ìsch d’ Saweetie bii da BET Hip-Hop Awards àls „Hustler of the Year“ üsszaichent worra.[128] Bii da MTV Europe Music Awards ìsch sa àls „Best New“ üsszaichent worra — d’ Priisverlaihung z’ Budapest hàt d’ Saweetie salbscht moderiart.[129] Ìm Janner 2022 ìsch sa zamma mìt dr Cher d’ Hàuiptfiguur vu dr Kàmpània „Challenge Accepted“ vu dr Màrka MAC Cosmetics gsìì.[130] Ìm Moneet druff hàt sa d’ Sìnggel Closer veräffentligt; doo drìnn ìsch d’ Sangera H.E.R. z’ loosa.[131] Ìm Hornung 2022 ìsch sa bii da NAACP Image Awards àls „Outstanding New Artist“ üsszaichent worra.[132] Bii da Grammy Awards 2022 ìsch d’ Saweetie zwaimol nominiart worra: ìn dr Kàtegorii „Bäschter Rapsong“ fìrs Liad Best Friend, un àui ìn dr Kàtegorii „Bäschter Näijer Kìnschtler“. Sa ìsch jedoch nìt üsszaichent worra.[133]
Àm 18. Nowamber 2022 hàt d’ Saweetie ìhra viarta EP The Single Life veräffentligt.[134][135][136] A pààr Schtunda noh dr Veräffentligung vum EP ìsch d’ Sìnggel Don’t Say Nothin’ ärschììna.[137]
ìhr Prìwààtlaawa
Àb Septamber 2018 hàt d’ Saweetie a Beziihung zem àmerikànischa Rapper Quavo ghàà. Maa hàt sìe zem äärscht Mol mìtanànder àn dr New York Fashion Week gsah.[138] Àm 19. März 2021 hàt jedoch d’ Saweetie uff da soziààla Nätzwark bekànnt gaa, àss s’ Pààr sìch loo schaida hàt.[139][140] Ìm März 2021 hann m’r ìm Internet a Video gsah, wo-n-a Üssanàndersätzung zwìscha dr Saweetie un em Quavo zaigt — dàs ìsch woohrschiinsig ìm Joohr 2020 pàssiart.[141]
ìhra Diskogràfii
| Chartplatzierige | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Albe[142] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Single[142] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
EPs
- 2018: High Maintenance
- 2019: Icy
- 2021: Pretty Summer Playlist: Season 1
- 2022: The Single Life
Sìnggels
- 2017: Icy Grl
- 2018: Pissed (Warwasìnggel)
- 2018: Up Now (zamma mìt’m London on da Track, feat. G-Eazy un Rich the Kid
- 2019: My Type
- 2019: Bitch from da Souf (Remix) (zamma mìt dr Mulatto un dr Trina)
- 2020: Sway with Me (zamma mìt dr Galxara)
- 2020: Tap In
- 2020: Money Mouf (zamma mìt’m Tyga un em YG)
- 2020: Back to the Streets (feat. Jhené Aiko)
- 2020: Pretty Bitch Freestyle (Warwasìnggel)
- 2021: Best Friend (feat. Doja Cat)
- 2021: Slow Clap (feat. Gwen Stefani)
- 2021: Fast (Motion)
- 2021: Get It Girl
- 2021: Icy Chain
- 2021: Risky (Warwasìnggel, zamma mìt’m Drakeo the Ruler)
- 2022: Closer (zamma mìt dr H.E.R.)
- 2022: In My Face (zamma mìt’m Mozzy un em 2 Chainz, feat. YG)
- 2022: Baby Boo (zamma mìt dr Muni Long)
- 2022: Don’t Say Nothin’
àls Gàschtkìnschtlera
- 2017: Expensive (zamma mìt’m Zaytoven)
- 2018: I’m That Bitch (zamma mìt’m David Guetta)
- 2018: Give It to Em (zamma mìt’m Quavo)
- 2018: Stupid Things (zamma mìt da Four of Diamonds)
- 2018: Patience (zamma mìt dr Riri)
- 2018: You Come First (zamma mìt’m Zak Abel)
- 2018: Body (zamma mìt dr Glowie)
- 2018: Yuso (zamma mìt’m Kid Ink un em Lil Wayne)
- 2019: Addiction (zamma mìt’m Big K.R.I.T. un em Lil Wayne)
- 2019: Can’t Do It (zamma mìt dr Loren Gray)
- 2019: I Can’t Stop Me (zamma mìt dr Sabrina Carpenter)
- 2019: Too Much Shaft (zamma mìt’m Quavo)
- 2019: No L’s (zamma mìt’m Hit-Boy)
- 2019: Come On (zamma mìt da City Girls un em DJ Durel)
- 2019: Baila Conmigo (zamma mìt da Yellow Claw, dr Inna un dr Jenn Morel)
- 2019: Triggered (Dance Mix) (zamma mìt dr Jhené Aiko)
- 2020: Kings & Queens, Pt. 2 (Ava Max feat. Lauv, Saweetie)
- 2021: Confetti (zamma mìt da Little Mix)
- 2021: Talkin’ Bout (zamma mìt dr Loui)
- 2021: Hit It (zamma mìt da Black Eyed Peas un dr Lele Pons)
- 2021: Out Out" (vum Joe Corry un em Jax Jones feat. Charli XCX un Saweetie)
- 2021: Faking Love (zamma mìt dr Anitta)
- 2021: Handstand (zamma mìt’m French Montana un dr Doja Cat)
- 2022: All She Wanna Do (zamma mìt’m John Legend)
- 2022: F.N.F. (Let’s Go) (Remix) (zamma mìt’m Hitkidd un em GloRilla)
ìhra Üsszaichnunga un Nominiarunga
- Üsszaichnunga
- 2021: MTV Video Music Award vu dr „Bäschta Kìnschtleriga Reschii“ fìrs Liad Best Friend
- 2021: BET Hip Hop Awards àls „Hustler of the Year“
- 2021: MTV Europe Music Awards àls „Best New“
- 2022: NAACP Image Awards àls „Outstanding New Artist“
- wittera Nominiarunga
- 2020: MTV Video Music Award vum „Liad vum Summer“ fìrs Liad Tap In
- 2020: People’s Choice Awards àls „Näijer Kìnschtler vu 2020“
- 2020: BET Awards àls „Bäschta Wiibliga Hip-Hop-Kìnschtlera“
- 2021: Billboard Music Awards àls „Top Rap Female Artist“
- 2021: MTV Video Music Awards àls „Bäschter Näijer Kìnschtler“
- 2021: UK Music Video Awards àls „Best Pop Video – International“ fìrs Liad Fast (Motion)
- 2021: BET Hip Hop Awards àls „Best Hip-Hop Video“ fìrs Liad Best Friend
- 2021: American Music Awards àls „Favourite Female Hip-Hop Artist“
- 2021: People’s Choice Awards àls „Wiibliga Kìnschtlerin vum Joohr“
- 2021: People’s Choice Award vum „Collaboration Song of the Year“ fìrs Liad Best Friend
- 2021: BET Awards àls „Bäschta Wiibliga Hip-Hop-Kìnschtlera“
- 2022: Grammy Award vum „Bäschta Rapsong“ fìrs Liad Best Friend
- 2022: Grammy Award vum „Bäschta Näija Kìnschtler“
- 2022: Kids’ Choice Awards àls „Favorite Breakthrough Artist“
- 2022: NAACP Image Awards àls „Outstanding Music Video/Visual Album“ fìrs Liad Best Friend
- 2022: NAACP Image Awards àls „Outstanding Hiphop/Rap Song“ fìrs Liad Best Friend
Üsszaichnunga fìr Müüsikverkaif
Guldiga Schàllplàtta
| Plàtiin-Schàllplàtta
| 2× Plàtiin-Schàllplàtta
3× Plàtiin-Schàllplàtta
|
Lìteràtüür
- Lakin Starling: Wenn der Underdog zum Star wird: Das ist die steile Karriere von Saweetie. In: The Red Bulletin. Red Bull Media House GmbH, 11. November 2020, ISSN 2079-4258 (redbull.com [abgerufen am 29. April 2023]).
Weblìnks
Commons: Saweetie – Sammlig vo Multimediadateie- Ìn dr Saweetie ìhra offiziälla Websitta (anglisch)
- d Saweetie bi Allmusic (änglisch)
- d Saweetie bi Discogs (änglisch)
- d Saweetie bi MusicBrainz (änglisch)
- d Saweetie bii Genius (anglisch)
- d Saweetie in dr Internet Movie Database
- Kanal von Saweetie uf YouTube
Ainzelnoohwiisa
 | Dä Artikel basiert uff ere fräie Übersetzig vu dere Version vum Artikel „Saweetie“ vu de änglische Wikipedia. E Liste vu de Autore un Versione isch do z finde. |
| | Dä Artikel basiert uff ere fräie Übersetzig vu dere Version vum Artikel „Saweetie“ vu de hochdütsche Wikipedia. E Liste vu de Autore un Versione isch do z finde. |
