Sarah-Jane
D Sarah-Jane (* 26. September 1985 z Indie) isch e Schwiizer Volksmusikerin und Schlagersängerin us em Oberbaselbiet. Si schaffet mit em Komponischt Carlo Brunner (Brüeder vo de Maya Brunner) zäme.
| Sarah-Jane | |
|---|---|
| Uf d Wält cho | 26. September 1985 |
| Härkumft | Indie |
| Genre | Schwiizer Volksmusik, Pop |
| Beschäftigung | Musikere |
| Instrument | Gsang |
| Aktiv | Sit 2003 |
| Het zsämmegschafft mit | Carlo Brunner |
Biografie
Im Alter vo 6 Mönet isch d Sarah-Jane (liiblichi Tochter vo indische Eltere) vo mene Schwiizer Ehepaar adoptiert worde. Si isch i de Schwiiz uufgwachse und läbt hüt no dört. Hüt wohnt si im Bezirk Sissech.
Karriere
D Sarah-Jane isch 2003 entdeckt worde bi mene Taläntwettbewerb vom „Alpeschlagerfestival“ z Ängelbärg. Im 2004 het si Platz 2 i de Schwiizer Vorusscheidig vom Grand Prix der Volksmusik 2004 erreicht, dank em Lied Ich bin noch viel zu jung. Im richtige Wettbewerb het si dänn aber nur Platz 16 erreicht. Im 2005 isch si aber im gliiche Wettbewerb 2. worde, mit Einmal hin, einmal her, nachdäm si d Vorusscheidig huushöch gwunne het.
Diskografii
- 2004: Ich bin noch viel zu jung (MCP Sound&Media / Tell Music AG / phontana)
- 2005: Einmal hin, einmal her (MCP Sound&Media / Tell Music AG / phontana)
- 2007: Lebensfreude pur (MCP Sound&Media / Tell Music AG / phontana)
- 2009: Stimmungsvoll (Grüezi Music)
- 2013: Jubiläums CD 1000 heisse Küsse
Weblink
 | Dä Artikel basiert uff ere fräie Übersetzig vum Artikel „Sarah-Jane“ vu de dütsche Wikipedia. E Liste vu de Autore un Versione isch do z finde. |