Lupita Nyong’o
D Lupita Amondi Nyong’o[1] ([luˈpita ˈɲɔ̃ŋɔ] , * 1. Meerz 1983 z Mexiko-Stadt) isch e kenianischi Schauspiileri un Filmmacheri. Fir iri daarstellerisch Laischtig vun ere Sklaavi im Film 12 Years a Slave isch si 2012 mit em Oscar as beschti Nääbedaarstelleri uuszaichnet woore. 2020 isch si vum Magazin Forbes aini vu dr 50 mächtigschte Fraue vu Afrika gnännt woore.[2]
![](http://upload.wikimedia.org/wikipedia/commons/thumb/8/80/Lupita_Nyong%27o_by_Gage_Skidmore_3.jpg/220px-Lupita_Nyong%27o_by_Gage_Skidmore_3.jpg)
Lääbe
D Nyong’o isch anne 1983 as Doochter vum kenianische Bolitikers Peter Anyang’ Nyong’o z Mexiko-Stadt uf d Wält chuu un isch z Kenia ufgwagse. Eerschti Erfaarige het si in eme Theater vu dr Produkzioonsfirma Phoenix Players z Nairobi gmacht.[3]
Si het in dr USA am Hampshire College Film- un Theaterwisseschafte studiert.[4] Druf het si bi dr Produkzioon vu verschiidene Film mitgschafft, unter anderem Der ewige Gärtner (2005) un Namesake – Zwei Welten, eine Reise (2006). 2008 het si im Chuurzfilm East River vum Marc Grey d Hauptroll gspiilt. Derno sich si uf Kenia retuurgange, wu si ne Roll in dr Fäärnseeseerie Shuga ibernuu het.
Anne 2009 isch dr Dokumäntaarfilm In My Genes iber s Lääbe vu dr kenianische Albino uusechuu, wu si d Reschy un d Produkzioon gfiert het un au s Draibuech gschriibe het.[4]
Derno het si an dr Yale School of Drama studiert, wu si au in verschiidene Theaterinszenierige ufdrätten isch. Diräkt im Aaschluss het si d Roll vu dr Patsey in Filmdraama 12 Years a Slave vum Steve McQueen iiberchuu. D Roll het er e Hufe Uuszaichnige yybrocht, doodrunter dr Oscar as beschti Nääbedaarstelleri, dr Chicago Film Critics Association Award un dr Critics’ Choice Movie Award, derzue au ne Nominierig fir dr Golden Globe as beschti Nääbedaarstelleri. D Nyong’o het druf vor allem in dr USA e grooßi mediaali Ufmeerksaamkait kriegt, si isch fir d Titelbletter vu grooße Moodimagaziin wie Vogue un Glamour fotografiert woore[5][6] un as Stiilikoone gfyyrt woore.[7]
Am 2. Juuni 2014 isch verchindet woore, ass si fir d Roll vu dr Maz Kanata' in Star Wars: Das Erwachen der Macht verbfliichtet wooren isch, där Fil isch im Dezämber 2015 in d Kino chuu.[8] Au bi dr Fuurtsetzige, wu 2017 un 2019 uusechuu sin, het si mitgmacht. 2018 het mer si zum eerschte Mool in dr Roll vu dr Chriegeri Nakia im Marvel-Film Black Panther chenne sää, au in der Fuurtsetzig Black Panther: Wakanda Forever (2022).
Scho 2014 het si d Nyong’o d Räächt an dr Verfilmig vum, Romaan Americanah vu dr nigeriaanische Schriftstelleri Chimamanda Ngozi Adichie gsiicheret ghaa. In dr TV-Mini-Seerie het si d Ifemelu, d Protagonischti, sotte spiile.[9] S Brojäkt isch aber 2020 abgsait woore.[10]
Iri dytsch Sinkroonstimm isch normaalerwyys d Rubina Nath. In dr Star-Wars-Film isch si unter anderem vu dr Ghadah Al-Akel un dr Regina Lemnitz gsproche woore. In Black Panther het er d Alice Bauer iri Stimm gleent.
Dr Lupita Nyong’o ire Chinderbuech Sulwe isch uf dr Shortlist vum Dytsche Chinderbuechbryys 2021 gstande.
Im Dezämber 2023 isch d Nyong’o zur Jurybresidänti vu dr Berlinale 2024 ernännt woore.[11]
Uusglääseni Filmografy
![](http://upload.wikimedia.org/wikipedia/commons/thumb/3/34/SXSW_2019_4_%2847282558132%29_%28cropped%29.jpg/170px-SXSW_2019_4_%2847282558132%29_%28cropped%29.jpg)
- 2008: East River (Churzfilm)
- 2009–2012: Shuga (Färnsehserie)
- 2009: In My Genes (Dokumäntarfilm; Reschy, Schnitt, Produkzion)
- 2013: 12 Years a Slave
- 2014: Non-Stop
- 2015: Star Wars: The Force Awakens (Star Wars: Das Erwachen der Macht)
- 2016: The Jungle Book (Stimme vu dr Raksha)
- 2016: Queen of Katwe
- 2017–2018: Star Wars: Forces of Destiny (Star Wars: Die Mächte des Schicksals)
- 2017: Star Wars: The Last Jedi (Star Wars: Die letzten Jedi)
- 2018: Black Panther
- 2019: Us (Wir)
- 2019: Little Monsters
- 2019: Star Wars: The Rise of Skywalker (Star Wars: Der Aufstieg Skywalkers)
- 2020: Black Is King
- 2022: The 355
- 2022: Black Panther: Wakanda Forever
Bibliografy
- Sulwe. Mentor Verlag, Berlin 2021, ISBN 978-3-948230-18-0.[12]
Uuszaichnige un Nominierige
![](http://upload.wikimedia.org/wikipedia/commons/thumb/7/7b/Ms._magazine_Cover_-_Spring_2016.jpg/220px-Ms._magazine_Cover_-_Spring_2016.jpg)
- 2014: Uuszaichnig as Beschti Nääbedarstelleri fir 12 Years a Slave
Golden Globe Award
- 2014: Nominierig as Beschti Nääbedarstelleri fir 12 Years a Slave
Screen Actors Guild Award
- 2014: Uuszaichnig as Beschti Nääbedarstelleri fir 12 Years a Slave
- 2014: Nominierig as Bescht Schauspiilensemble fir 12 Years a Slave
British Academy Film Award
- 2014: Nominierig as Bescht Schauspiilensemble fir 12 Years a Slave
Tony Award
- 2016: Nominierig as Beschti Hauptdarstelleri fir Eclipsed
Critics’ Choice Movie Award
- 2014: Uuszaichnig as Beschti Nääbedarstelleri fir 12 Years a Slave
- 2014: Nominierig as Bescht Schauspiilensemble fir 12 Years a Slave
Saturn Award
- 2016: Nominierig as Beschti Nääbedarstelleri fir Star Wars: Das Erwachen der Macht
- 2018: Nominierig as Beschti Hauptdarstelleri fir Black Panther
Teen Choice Award
- 2018: Nominierig as Choice Liplock für Black Panther
- 2018: Nominierig as Choice Movie Ship für Black Panther
- 2018: Nominierig as Choice Movie Actor – Sci-Fi/Fantasy für Black Panther
Dytsche Chinderbuechbryys
- 2021: Nominierig vum Bilderbuech Sulwe fir dr Dytsch Chinderbuechbryys
LovelyBooks Lääserbryys
- 2021: 'LovelyBooks Lääserbryys Gold in dr Kategory Bilderbiecher fir Sulwe[13]
Literatur
- Lupita Nyong'o, in: Internationales Biographisches Archiv 13/2014 vom 25. März 2014, im Munzinger-Archiv (Artikelaafang frei abruefbar)
Weblinks
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Lupita Nyong’o in dr Internet Movie Database
- Literatur vu un iber Lupita Nyong’o im Katalog vu dr Dütsche Nazionalbibliothek
- Lupita Amondi Nyong’o (1982–). blackpast.org (englisch)
Fueßnote
![]() | Dä Artikel basiert uff ere fräie Übersetzig vu dere Version vum Artikel „Lupita_Nyong’o“ vu de dütsche Wikipedia. E Liste vu de Autore un Versione isch do z finde. |