Léa Salamé
| Dialäkt: Mìlhüüserdiitsch |
D’ Léa Salamé 
[lea salame](info) (bìrgerlig d’ Hala Salamé; * 27. Oktoower 1979 z’ Beirut) ìsch a frànzeesch-libàneesischa Rundfunk- un Farnsahschurnàlischta. Bekànnt ìsch sa vor àllem àls Moderàtoorin vu dr Morgasandung uff France Inter so wia vu verschìedena politischa Sandunga-n-àm Farnsah.
ìhra Laawa un Kàrriar
Kìnderjoohra un Bìldung
D’ Hala Salamé-n-ìsch ànna 1979 ìn dr libàneesischa Hàuiptschtàdt Beirut uff d’ Walt kumma. Sa ìsch d’ Tochter vum libàneesischa Politolog un ehamààliga Kültüürminìschter Ghassan Salamé.[1] Ìhra Müatter, d’ Mary Boghossian, schtàmmt vun Àrmenia[2] un ìsch d’ Schwaschter vu da Diàmantahandler Jean un Albert Boghossian.[1] Obwohl baida Äältra Chrìschta sìnn, hàt d’ Fàmìlia wahrem Bìrgerkriag ìm moslämischa Viartel ìm Wäscht-Beirut glabt.[3] Wu d’ Léa fìmf Joohra àlt gsìì-n-ìsch, hàt d’ Fàmìlia wagem Kriag s’ Libànon fàraloh. Sa hàt sìch ìm 16. Arrondissement vu Pàriis ìm Frànkrììch nìedergloo.[3][4] Mìt 11 Joohra hàt d’ Léa Salamé d’ frànzeescha Schtààtsààgheerigkait bikumma.[3][5] Ìhra jìngera Schwaschter, d’ Louma Salamé, ìsch Laitera vu dr Schtìftung Boghossian-Villa Empain z’ Brüssel.[6]
D’ Léa Salamé-n-ìsch z’äärscht ìns Gymnààsium Saint-Louis-de-Gonzague[7] un ìn d’ Elsassischa Schüal[8] z’ Pàriis gànga. Drnooh hàt sa Racht àn dr Üniwärsitäät Panthéon-Assas gschtudiart,[9] wia àui bis 2002 àn dr Ìnschtitüüt fìr politischa Schtudia z’ Pàriis[2][10] un àn dr Üniwärsitäät vu New York ànna 2001. Ìn da Terrorààschlaag àm 11. Septamber 2001 ìsch sa liicht verlätzt worra.[4][11] Wia-n-ìhra Vàtter ìhr ämpfoohla hàt, hàt d’ Salamé a Pràktikum biim frànzeescha politischa Farnsahkànàl LCP AN/Public Sénat gmàcht, wu sa vum berìahmta Schurnàlischt Jean-Pierre Elkabbach bìldet worra-n-ìsch.[3] Mìt ìhm hàt sa uff LCP ìhra äärschta Sandung moderiart, Paroles du monde.
äärschta Schrìtta-n-àm Farnsah
Àb Dezamber 2006 hàt d’ Salamé fìr dr Farnsahkànàl France 24 gschàfft, wo grààd grìnda worra gsìì-n-ìsch.[4] Doo hàt sa d’ Noohrìchta-Sandung vum 21 Ühr bis àm Mìtternàcht moderiart, un drnooh vum 20 Ühr bis àm Mìtternàcht àb Oktoower 2010.[12]
Àb’m Andsjoohr 2010 ìsch sa uff’m Noohrìchta-Kànàl I-Télé gsìì.[13] Ìm Janner 2011 hàt sa zamma mìt’m Michel Dumoret d’ politischa Sandung Élysée 2012 fìr d’ Presidàntschàftswàhl vu 2012 moderiart.[14] Àb Septamber 2011 hàt sa zamma mìt’m Fauvelle d’ Nochrìchta-Sandung vum 17 bis 20 Ühr moderiart;[15] àb Septamber 2012 ìsch dia Sandung vum 18 bis 22 Ühr gsìì.[16] Drzüa hàt sa àb 2012 d’ taagliga Debàtta-Sandung On ne va pas se mentir uff I-Télé moderiart.[17] Ìm Joohr 2013 hàt sa uff’m saalwa Kànàl d’ Debàtta-Sandung Ça se dispute moderiart, wu dr Éric Zemmour un dr Nicolas Domenach mìtgmàcht hann.
Ìm Àuigscht 2014 ìsch d’ Salamé Schurnàlischta bii dr Sandung On n’est pas couché vum Laurent Ruquier uff France 2 gsìì. Doo hàt sa d’ Natacha Polony ärsätzt.[18] Ìn dara Sandung ìsch sa ànna 2014/15 zamma mìt’m Aymeric Caron z’ sah gsìì, un drnooh mìt’m Yann Moix ànna 2015/16. Sa hàt positiiwa Kritik bikumma.[19]
Àm 14. Àwrìl 2016, wu sa mìt’m frànzeescha Schtààtspresidànt François Hollande fìr d’ Sandung Dialogue citoyens ìwwer d’ Flìchtlingskriisa-n-ìm Öiropà grädd hàt, hàt d’ Salamé ìm Presidànt gsajt: „ìsch dàs a Schärtz?“[20] D’ Salamé-n-ìsch kritisiart worra, dänn sa säjg „züa ààgrìffend“ un pàrtäiisch gsìì.[21][22][23]
Àm 15. Septamber 2016 ìsch sa Moderàtoora vu L’Émission politique uff France 2 worra; bis 2017 hàt sa dia Sandung zamma mìt’m David Pujadas moderiart, un drnooh allai. Àm 19. Septamber 2019 ìsch daa Progràmm mìt dr politischa Sandung Vous avez la parole ärsätzt worra, wo d’ Salamé zamma mìt’m Thomas Sotto moderiart hàt.
Naawadràà hàt d’ Salamé àb’m 28. Septamber 2016 d’ kültürälla Sandung Stupéfiant ! moderiart, wo z’äärscht dräimol pro Monet uff France 2 üüssgschtrààhlt worra-n-ìsch,[24] un drnooh vu Zitt zu Zitt uff France 5 àb Septamber 2019.
àb 2017: uff France Inter un àm Farnsah
Vum 25. Àuigscht 2014 bis ìm Joohr 2017 hàt d’ Salamé d’ Interview àm 7 Ühr 50 ìn dr Morgasandung 7/9 vum Patrick Cohen uff’m Radioprogràmm France Inter moderiart.[25][26] Wu dr Cohen z’rucktratta-n-ìsch, ìsch d’ Salamé ànna 2017 Moderàtoora vu dr Morgasandung worra, zamma mìt’m Nicolas Demorand.[27] Ìm Sommer 2019 un 2020 ìsch uff France Inter d’ wuchentliga Sandung Femmes puissantes („Machtiga Fràuija“) gsìì, wu sìch d’ Léa Salamé mìt wiibliga Pärseenligkaita unterhàltet hàt, wia dr Delphine Horvilleur, dr Béatrice Dalle, dr Leïla Slimani, dr Bettina Rheims, dr Carla Bruni-Sarkozy, dr Amélie Mauresmo un dr Christiane Taubira.[28][29][30] Dia Unterhàltunga sìnn ìm Septamber 2020 un ìm Nowamber 2021 ìn zwai Biacher veräffentligt worra.[31][32][33] Ìm Hornung 2021 hàt züadam d’ Salamé fìr France Inter a Folga vu dr Kìndersandung Léo et le chat de la plage („dr Leo un d’ Kàtz àm Schtrànd“) gschrìewa.[34]
Àm 19. Janner 2017 hàt d’ Salamé zamma mìt’m David Pujadas un em Fabien Namias d’ drìtta Debàtta vor dr soziàlischta-n-Ürwàhl moderiart.[35] Àm 20. Àwrìl 2017 hàt sa zamma mìt’m Pujadas d’ Sandung 15 minutes pour convaincre uff France 2 moderiart, wu-n-àlla Kàndidààta àn dr Presidàntschàftswàhl vu 2017 ìn a pààr Mìnüüta ìhra Progràmm vorgschtällt hann.[36] Àm 20 Àwrìl 2022 hàt d’ Salamé zamma mìt’m Gilles Bouleau d’ wìchtiga Debàtta zwìschem Emmanuel Macron un dr Marine Le Pen vor’m zwaita Wàhlgàng vu dr Presidàntschàftswàhl moderiart.
Ìn dr Salamé ìhra Gfährter Raphaël Glucksmann hàt sìch fìr d’ Öiropàwàhl vu Mai 2019 uffgschtällt. Àlso hàt d’ Salamé àm 15. März 2019 verkìndigt, àss sa vu dr Farnsahsandung L’Émission politique un vu dr Morgasandung vu France Inter zittawiiss z’rucktratta wìrd,[37] fìr „jeglicher Verdàcht um Ìntrassa-n-üüssanàndersätzung vermaida“. Sa ìsch àwwer bii dr Sandung Stupéfiant ! blìewa. Nohdam àss dr Glucksmann gwählt worra-n-ìsch, ìsch d’ Salamé àm 27. Mai 2019 uff France Inter z’ruckkumma.[38][39]
Àb Septamber 2021 ìsch nochamol d’ Salamé zamma mìt’m Laurent Ruquier uff France 2 z’ sah gsìì, ìm Talk-Show On est en direct.
d’ Üüsszaichnunga, wo sa bikumma hàt
Ànna 2014 ìsch d’ Léa Salamé vum frànzeescha-n-Ufflààg vum Mannermàgàzin GQ àls „Fràui vum Joohr“ ärnännt worra.[40] Ànna 2015 hàt sa dr frànzeescha Philippe-Caloni-Priis fìr d’ „bäschta-n-Interviewera vum Joohr“ bikumma.[41]
ìhra Priwààtlaawa
Sitter 2016 labt d’ Léa Salamé zamma mìt’m Essayischt un Politiker Raphaël Glucksmann.[42] Àm 12. März 2017 ìsch ìhra Suhn Gabriel uff d’ Walt kumma.[43]
D’ Salamé-n-ìsch pràktiziarenda melkitischa Kàtholika. Jeedsjoohr raist sa uffs Haimetdorf vun ìhrem Vàtter ìm Libànon.[3][44]
Weblìnks
Commons: Léa Salamé – Sammlig vo Multimediadateie- Léa Salamé in de Internet Movie Database (änglisch)
- D’ Léa Salamé bii AlloCiné (frànzeesch)
Ainzelnoohwiisa
 | Dä Artikel basiert uff ere fräie Übersetzig vu dere Version vum Artikel „Léa_Salamé“ vu de französische Wikipedia. E Liste vu de Autore un Versione isch do z finde. |