Gian Luca Barandun

Dr Barandun isch vu Präz im Bündnerland gsii. As 15-Jehrige het er im Februar 2010 zum erschte Mol bi me FIS-Ränne mitgfahre. Greßeri Erfogl sin in dr erschte Johr uusblibe, wäge däm isch er au nie bi dr Juniorewältmaischterschafte gsii. Sy erschte Yysatz im Europacup het er im Jänner 2014 ghaa. Bis er in däre Rännserie het chenne Fueß fasse, sin nomol zwai Johr vergange. Am 20. Dezämber 2016 isch dr Barandun bim Super-G uf dr Reiteralm uf dr zweet Blatz chuu, dodermit isch er zum erschte Mol in syre Karriere ne Bodeschtblatz im Europacup glunge.^[1] Im Verlauf vu dr Saison isch no zai Mol Zweet wore, dodermit isch er in dr Gsamtwärtig uf dr viert Blatz chuu.

Sy Debüt im Wältcup het dr Barandun am 13. Jänner 2017 in dr Kombination vu Wänge ghaa. Är isch in däm Ränne uf Blatz 28 gfahere un het dodermit bi sym erschte Start scho Wältcuppinkt gwunne. S bescht Wältcupergebnis het er am 29. Dezämber 2017 mit Blatz 9 in dr Kombination vu Bormio ghaa. Am 22. Februar 2018 het er e Europacup-Super-G im Sarntal gwunne.

Am 4. Novämber 2018 isch dr Barandun im Alter vu 24 Johr bi Schluein bim Landeaaflug mit eme Glaitschirm deetli verunglickt.^[2]

• 1 Blatzierig unter dr beschte zeh

• Saison 2016/17: 4. Gsamtwärtig, 3. Super-G-Wärtig, 5. Abfahrtswärtig, 6. Kombinationswärtigg
• Saison 2017/18: 2. Super-G-Wärtig
• 6 Bodeschtblätz, dodervu 1 Siig:

• Gian Luca Barandun in dr Datebank vum Internationale Skiverband FIS (änglisch)
• Gian Luca Barandun uf dr Websyte vu Swiss-Ski (Archiv)
• Gian Luca Barandun bei Ski-db (englisch)