Agaaru
Agaaru isch e Munizipalgmeind (politischi Gmeind) im Bezirk Leigg im Kantoon Wallis i dr Schwiiz.[2]
| Agaaru | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Leigg |
| BFS-Nr.: | 6101 |
| Poschtleitzahl: | 3951 |
| Koordinate: | / 12733746° 17′ 50″ N, 7° 39′ 53″ O; CH1903: 617420 / 127337 |
| Höchi: | 620 m ü. M. |
| Flächi: | 7.6 km² |
| Iiwohner: | 709 (31. Dezämber 2022)[1] |
| Website: | www.agarn.ch |
| Charte | |
 | |
Geografii
S Dorf Agaaru ligt am südleche Rand vo dr Ebeni im Roonetaal zwüsche Turpma und Leigg. Im Taalbode hed d Gmeind nume e chlyni Flechi bis an Altlouf vom Rottu. D Houptstrooss und di neui Umfaarigsstrooss gönd nid durs Dorf, si sind e chly undedra.
Zum Dorf ghöre au d Kwartier Meretschi und Burgere.
Im Süüde ligt dr gröscht Deil vom Gmeindbann, e länge und schmale Streife Land, nume ei Kilometer breit, bis höch uf d Bärge ufe. Das Areal ligt zwüsche de Bärgbech Emsbach und Meretschibach. E Faarstrooss goot vom Dorf uf d Aschp-Alpe ufe, und vo dört no wiiter isch den nume no e Fuesswäg uf d Meretschialp, wo deilt isch zwüsche de Gmeinde Agaaru und Leigg. S Felseareal bi de Seewleni oben a dr Meretschialp goot bis zu de Bärgspitze vom Brunnethoorn (2952 m.ü.M.) und vo dr Bella Tola (3025 m.ü.M.). Das isch der südlechscht un dr höchscht Punkt vom Gmeindbann, dört obe isch sogar no en chlyne Gletscher übrig, dr Bella Tola-Gletscher. Im Oschte vo dene Bärge ligge d Alpe vo dr Gmeind Oberems und im Süde vo dr Bella Tola s Eifischtaal .
Sproochgeografii
Uf em Grat bi dr Bella Tola träffe sech s dütschsproochige Oberwallis und s wälsche Underwallis.
Gschicht
Vo Agaaru list me s erscht Mol im ene Dokumänt us em 1229i.
Iwoner
Quella: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 186 | 195 | 221 | 254 | 219 | 279 | 292 | 285 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 373 | 447 | 479 | 508 | 541 | 535 | 673 | 758 |
Dr Üsländeraateil ischt 2010 bi 8,6 % glägu.[4]
Religion
89,6 % vannu Iwonru sint im Jaar 2000 remisch-katholischi gsii, 1,5 % evangelisch-reformierti.[4]
Politik
Dr Ggmeindspresident va Agaaru ischt dr Thomas Matter (Stant Oktober 2017).
Literatüür
- Alois Grichting: Agarn - einst und heute. Eine Chronik. Hrsg. von den Dorfvereinen und der Gemeinde Agarn anlässlich des Dorffestes 1992. Agarn 1992. 471 S. Ill.
Weblink
Commons: Agarn – Sammlig vo Multimediadateie- Website vo dr Gmäind Agaaru
- Philipp Kalbermatter: Agarn In: Historisches Lexikon vo dr Schwiiz.
