U1.27

U1.27 (ook bekend as die Groot GKG) is 'n groot kwasargroep wat uit 73 kwasars bestaan. Dit is 4 miljard ligjare breed. Dit is die grootste en swaarste bekende struktuur in die sigbare heelal.^[1][2][3] Dit is in November 2012 ontdek deur ’n span onder leiding van dr. Roger G. Clowes van die Universiteit van Sentraal-Lancashire. Die sterrekundiges het data van die Digitale Sloan-lugopname gebruik.

Die grootte van U1.27 word geraam op sowat 4 miljard x 2 miljard x 1,2 miljard ligjare (1 240 miljoen x 640 miljoen x 370 miljoen parsek).^[4] Dit het ’n massa van 6,1×10¹⁸ M_☉ (sonmassas). Dit lê in die sterrebeeld Leeu. Die naam kom van sy gemiddelde rooiverskuiwing van 1,27.^[5]

U1.27 is sowat 2 miljard ligjare van die Clowes-Campusano LQG (U1.28), ’n groep van 34 kwasars wat in 1991 ontdek is.