Ollie le Roux

Ollie le Roux (* 5 Mei 1973, Fort Beaufort)^[2] is ’n Suid-Afrikaanse rugbyspeler en oud-Springbok. Hy het die Natalse Haaie en Vrystaat Cheetahs in die Curriebeker- en Vodacombekerreekse verteenwoordig en ook vir die Sharks, Cats en Cheetahs in die Superrugbykompetisie uitgedraf. Hy was ook deel van Suid-Afrika se span tydens die Rugbywêreldbeker 1999.

Ollie le Roux
Volle naam	André-Henri le Roux
Geboortedatum	10 Mei 1973 (1973-05-10) (51 jaar oud)
Geboorteplek	Fort Beaufort (Suid-Afrika)
Lengte	1,82 m
Massa	136 kg
Skool	Grey-kollege
Universiteit	Universiteit van die Vrystaat
Eggenote	Mariska
Kinders	Mia, Chloe, Donna[1]
Beroep	Professionele rugbyspeler, boer
Rugbyloopbaan
Loopbaan as speler
Posisie(s)	Stut, haker
Springbokno.	600
Amateurspanne
Jare	Klub / span	Weds	(pte)
	Shimlas
Professionele / senior klubs
Jare	Klub / span	Weds	(pte)
2008–2009	Leinster
Provinsiale- / Staatspanne
Jare	Klub / span	Weds	(pte)
2005–2008 1996–2003	VS Cheetahs Natal
korrek soos op 19 Maart 2013.
Superrugby/Verenigde Rugbykampioenskap
Jare	Klub / span	Weds	(pte)
1996–2003 2005 2006–2007	Sharks Cats Cheetahs	? 3 21	(?) (0) (5)
korrek soos op 20 Maart 2013.
Nasionale span(ne)
Jare	Land	Weds	(pte)
1994–2002	Suid-Afrika	54	5
korrek soos op 20 Maart 2013.

Toe hy op skool was het Le Roux provinsiale kleure gekry in rugby, waterpolo en muurbal. Hy het in 1991 gematrikuleer en vir die eerste keer in 1994 vir die Springbokke gespeel en het in totaal in 54 toetse uitgedraf. Hy is die jongste stut wat nóg vir die Springbokke gespeel het en hy is ook die Springbok wat die meeste wedstryde as reserwe begin het (43). Le Roux het op uitnodiging vir die Barbarians gespeel^[3] en in 2008 vir Leinster in die Heinekenbeker en die Magners-liga.

In 2011 het Le Roux hom as skrumkonsultant by die Griekwas aangesluit vir drie jaar.^[4] In 2012 het hy aan die Ysterman-kompetisie in Port Elizabeth deelgeneem en dit in 16 uur en 30 minute voltooi.^[5]

Buiten konsultasiewerk is Le Roux sedert sy uittrede ’n hoenderboer buite Bloemfontein met sy vrou Mariska en hul vier dogters Mia, Chloe, Donna en Lisa.^[6]