Molenlanden

Molenlanden (letterlik in Afrikaans: Meulelande) is 'n munisipaliteit in die Nederlandse provinsie Zuid-Holland. Die munisipale gebied het sowat 45 000 inwoners (2022) en 'n oppervlakte van sowat 192 km². In hierdie munisipaliteit word Alblasserwaards gepraat, wat is 'n Hollandse dialek.

Molenlanden
Munisipaliteit
Uitsig op die dorp Bleskensgraaf
Wapen
Ligging van Molenlanden in Zuid-Holland-provinsie
Kaart van Molenlanden-munisipaliteit
Koördinate: 51°52′N 4°47′O / 51.867°N 4.783°O / 51.867; 4.783
Land	Nederland
Provinsie	Zuid-Holland
Stigting	2019
Regering
• Burgemeester	Theo Segers (CU)
Oppervlak
• Totaal	191,58 km2 (73,97 vk. myl)
• Land	181,57 km2 (70,10 vk. myl)
• Water	10,01 km2 (3,86 vk. myl)
Hoogte	−1,5 m (−4,9 ft)
Bevolking
• Totaal	44 644
• Digtheid	246/km2 (640/vk. myl)
	1 Januarie 2022
Tydsone	UTC+1 (IST)
• Somertyd	UTC+2 (IDT)
Poskode	2957–4241
Skakelkodes	0183, 0184, 078
Bestuurlike sentrum	Bleskensgraaf en Nieuwpoort (feestelike gebeurtenisse)
Webwerf	www.molenlanden.nl

Molenlanden is in 2019 gestig deur die saamvoeging van die munisipaliteite Giessenlanden en Molenwaard. Die landelike munisipaliteit beslaan die noorde, midde en ooste van die Alblasserwaard-streek en 'n klein stukkie van die Vijfheerenlanden-streek in die uiterste suidooste.^[1] Die suidoewer van die Lek-rivier vorm die noordelike begrensing en in die ooste grens Molenlanden sowel aan die provinsie Utrecht as aan die provinsie Gelderland.

Deur die westelike deel vloei die Graafstroom- of Alblas-riviertjie en deur die oostelike deel die Giessen-riviertjie. In die noordweshoek van die munisipaliteit staan die meulens van Kinderdijk ('n Wêrelderfenisgebied).