Kimbundu

Kimbundu, ook Noord-Mbundu genoem, is een van Bantoetale wat Mbundu genoem word (die ander is Umbundu of Suid-Mbundu). Dit is die tweede mees verspreide inheemse taal van Angola met sowat 1,7 miljoen moedertaalsprekers (8% van die bevolking^[4]) en word hoofsaaklik deur die Ambundu-volk gepraat. In Angola word dit as een van ses nasionale tale erken, naas die amptelike taal Portugees.

Kimbundu
Gepraat in:	Angola
Gebied:	Kongorivier
Totale sprekers:	1,7 miljoen[1]
Taalfamilie:	Niger-Kongo  Atlanties-Kongo   Volta-Kongo    Benue-Kongo     Bantoid      Suidelike Bantoid       Bantoetale        Kimbundu
Skrifstelsel:	Latynse alfabet
Amptelike status
Amptelike taal in:	Angola (nasionale taal)[2][3]
Gereguleer deur:	geen
Taalkodes
ISO 639-1:	geen
ISO 639-2:	kmb
ISO 639-3:	kmb
Nota: Hierdie bladsy kan IFA fonetiese simbole in Unicode bevat.

Kimbundu word veral in die noorde van Angola oos van die hoofstad Luanda gebesig. Dit is in die provinsies Bengo, Cuanza Norte, Malanje en die noorde van Cuanza Sul versprei. Kimbundu is met Umbundu verwant, maar hulle is nie onderling verstaanbaar nie.