Ian Morris

Morris het grootgeword in die Verenigde Koninkryk. Hy het Alleyne's High School in Stone, Staffordshire bygewoon, en antieke geskiedenis en argeologie studeer by die Universiteit van Birmingham. Hy het sy PhD by Universiteit van Cambridge verkry.^[1]

Morris het vanaf 1987 tot 1995 by die Universiteit van Chicago klas gegee. Hy is sedert 1995 by Stanford-universiteit.

Sedert hy by Stanford aangesluit het, het hy gedien as Assosiaat Dekaan van Lettere en Wysbegeerte en Geesteswetenskappe, as Hoof van die Oudheid Departement, en as Direkteur van die Maatskaplike Wetenskappe-Historiese Instituut. Hy was een van die stigterslede van die Stanford Argeologiese Sentrum en het vir twee termyne as die Sentrum se direkteur gedien.^[2] Hy het uitvoerig gepubliseer oor die geskiedenis en argeologie van die antieke Middellandse streek en oor Wêreldgeskiedenis. Hy het ook in 2009 'n dekaansprys vir uitnemendheid in Onderrig gewen.^[3]

Tussen die jare 2000 en 2007 het hy Stanford se argeologiese uitgrawing by Monte Polizzo, Sisilië, Italië gelei.^[2]

Verskeie navorsings-genootskappe van die John Simon Guggenheim Gedenkstigting, Hoover Instituut,^[4] Nasionale Begiftigingsfonds vir die Geesteswetenskappe,^[2]Sentrum vir Hellenistiese Studies in Washington, D.C.,^[5] en Instituut vir Navorsing in die Geesteswetenskappe, Universiteit van Wisconsin-Madison is al aan hom toegeken.^[5] Hy is ook 'n Korresponderende Genoot van die Britse Akademie; en eregrade deur De Pauw Universiteit en Birmingham Universiteit is aan hom toegeken. In 2012 was sy werk die onderwerp van 'n ellelange profiel in die Chronicle of Higher Education.^[6] Hy het in 2012 die Tanner Lesings op Menslike Waarde by die Universiteit van Princeton gelewer.^[7]

Ian Morris beplan om op sy oogpunte betreffende die eerste-millennium BC transformasies (die skuif van godsdiens-gebaseerde mag na burokratiese en militêre mag) in sy nuwe boek uit te brei.^[8]

War! What is it Good For?: Conflict and the Progress of Civilization from Primates to Robots was deur Farrar, Straus en Giroux in die VSA gepubliseer en deur Profile Books in Brittanje in April 2014.^{[9][10][11][12]} Morris argumenteer daarin dat daar genoeg bewyse is om die geskiedenis van geweld na te spoor oor baie duisende jare en dat 'n opspraakwekkende feit hieruit voortvloei, naamlik dat vir al die gruwels van oorlog oor die laaste 10,000 jare, dit eintlik die wêreld veiliger en ryker gemaak het, aangesien dit bykans die enigste wyse is waarop mense groot, intern-passiewe samelewings geskep het wat dan die koers van geweldadige sterftes af gebring het. Hy argumenteer dat die lesse van die laaste 10,000 jaar van militêre geskiedenis mens leer dat die manier om oorloë te beëindig die kuns is om te leer hoe om dit te bestuur, en nie deur dit te verwens nie. Morris wy ook 'n hoofstuk aan die 1974-1978 Gombe Sjimpansee Oorlog in Tanzanië. Die Duitse vertaling van die boek, Krieg: Wozu er gut ist, was in Oktober 2013 deur Campus Verlag gepubliseer. 'n Nederlandse vertaling was in 2014 deur Spectrum (Houten/Antwerp) gepubliseer genaamd Verwoesting en vooruitgang. Daar word nog vyf vertalings van die werk beplan.

• Morris is 'n 2014 Kalifornië Boektoekennings Nie-fiksie Finalis vir War! What is it Good For?^[13]

• Burial and Ancient Society, Cambridge, 1987 ISBN 978-0-521-38738-5
• Death-Ritual and Social Structure in Classical Antiquity, Cambridge 1992 ISBN 978-0-521-37611-2
• Red. Classical Greece: Ancient Histories and Modern Archaeologies, Cambridge, 1994 ISBN 978-0-521-45678-4
• Reds. saam met with Barry Powell, A New Companion to Homer, E. J. Brill, 1997 ISBN 978-90-04-09989-0
• Reds. saam met Kurt Raaflaub, Democracy 2500? Questions and Challenges, Kendall-Hunt, 1997 ISBN 978-0-7872-4466-8
• Archaeology as Cultural History, Blackwell, 2000 ISBN 978-0-631-19602-0
• The Greeks: History, Culture, and Society, met Barry Powell; Prentice-Hall, 1ste uitg. 2005, 2de uitgawe. 2009 ISBN 978-0-13-921156-0
• Reds. saam met Joe Manning, The Ancient Economy: Evidence and Models, Stanford, 2005 ISBN 978-0-8047-5755-3
• Reds. saam met Walter Scheidel and Richard Saller, The Cambridge Economic History of the Greco-Roman World, Cambridge, 2007 ISBN 978-0-521-78053-7
• Reds. saam met Walter Scheidel van The Dynamics of Ancient Empires, Oxford, 2009 ISBN 978-0-19-537158-1
• Why the West Rules—For Now: The Patterns of History, and What They Reveal About the Future, Farrar, Straus en Giroux, 2010; Profile Books, 2010 ISBN 978-0-374-29002-3
• The Measure of Civilisation: How Social Development Decides the Fate of Nations, Princeton University Press, 2013; Profile Books, 2013 ISBN 978-0-691-15568-5
• War! What is it Good For? Conflict and the Progress of Civilization from Primates to Robots, Farrar, Straus en Giroux, 2014; Profile Books, 2014 ISBN 978-0-374-28600-2
• Foragers, Farmers, and Fossil Fuels: How Human Values Evolve (The Tanner Lectures, geredigeer en met 'n inleiding deur Stephen Macedo en kommentaar deur Richard Seaford, Jonathan D. Spence, Christine M. Korsgaard, en Margaret Atwood), Princeton University Press, 2015; ISBN 9780691160399

• Ian Morris, Stanford University Classics Department.
• Classics and History Expert - Ian Morris, Stanford University Humanities Department.
• Why the West Rules for Now, Interview with Ian Morris in www.theglobaldispatches.com.
• Ian Morris interview on "Conversations With History," Geargiveer 21 Februarie 2011 op Wayback Machine a UC Berkeley podcast and video series.
• ' Foreign Policy magazine review Geargiveer 20 November 2013 op Wayback Machine of Why the West Rules.
• Increased Affluence Explains the Emergence of Ascetic Wisdoms and Moralizing Religions, an article together with Nicolas Baumard, Alexandre Hyafil and Pascal Boyer