De Havilland Canada DHC-6 Twin Otter

Die De Havilland Canada DHC-6 Twin Otter is 'n Kanadese 19-sitplek passasiersvliegtuig met kort-opstyg-en-landingsvermoëns. Die vliegtuig is ontwikkel deur de Havilland Canada en word tans vervaardig deur Viking Air en bemark as die Viking Air DHC-6 Twin Otter.

De Havilland Canada DHC-6 Twin Otter
'n Winair DHC-6 Twin Otter land op Sint Bartolomeus se Gustaf III vliegveld
Tipe	Passasiersvliegtuig
Vervaardiger	de Havilland Canada Viking Air
Nooiensvlug	20 Mei 1965
Bekendstelling	1966
Status	In produksie[1]
Vervaardig	965–1988 (Series 100–300) 2008–tans (Series 400)
Aantal gebou	Okt 2017: 967 (844 DHC, 123 Viking)[2]
Eenheidskoste	VS$680 000 (1972)[3] VS$6,5 miljoen (2017)[4]
Ontwikkel van	de Havilland Canada DHC-3 Otter

Die vliegtuig beskik oor 'n nie-terugtrekbare driewiel-tipe onderstel en word aangedryf deur twee turboskroef-motors. Dit het 'n goeie klimtempo wat dit geskik maak vir passasierspendeldienste sowel as die vervoer van vrag en vir mediese afvoerdienste.

Die vliegtuig is ook uiters gewild by die valskermspringers en word gebruik deur die Amerikaanse Leër Valskermspan asook die Amerikaanse Lugmag se 98ste Vlieënde Opleidingeskader.