2020 CD3
2020 CD3 is ’n klein naby-aarde-asteroïde wat gewoonlik om die Son wentel, maar soms as ’n tydelike satelliet in ’n wentelbaan om die Aarde aangetrek word wanneer dit sy naaste afstand aan die Aarde bereik. Dit is op 15 Februarie 2020 by die Mount Lemmon-sterrewag deur die sterrekundiges Theodore Pruyne en Kacper Wierzchoś ontdek as deel van die Mount Lemmon- of Catalina-lugopname. Die Kleinplaneetsentrum het die ontdekking op 25 Februarie 2020 aangekondig nadat daaropvolgende waarnemings sy wentelbaan om die Aarde bevestig het.
 | |
| Ontdekking [1][2] | |
|---|---|
| Ontdek deur | Mount Lemmon-opname
|
| Datum | 15 Februarie 2020 |
| Plek van ontdekking | Mount Lemmon-sterrewag |
| Kleinplaneet-benaming | 2020 CD3 |
| Alternatiewe name | C26FED2 [3][4] |
| Kleinplaneet-kategorie | NAV · Arjuna [5] · Apollo [6] Tydelik vasgevang [1] |
| Wentelbaaneienskappe [6] | |
| Epog 1 Maart 2020 (JD 2458909,5) | |
| Afelium | 1,0647 AE |
| Perihelium | 0,9860 AE |
| Halwe lengteas | 1,0253 AE |
| Wentelperiode | 1,04 jaar (379,2 dae) |
| Gem. anomalie | 39,719° |
| Baanhelling | 0,8447° |
| Lengteligging van stygende nodus | 138,574° |
| Periheliumhoek | 339,620° |
| Minimum baankruisingsafstand: Aarde | 0,00175554 AE |
Fisiese eienskappe | |
| Massa | ~4 900 kg (geraam)[7] |
| Gem. digtheid | 2,1±0,7 g/cm3[8] |
| Rotasieperiode | 1 146,8 s of 19,114 min 573,4 s[8] |
| Spektraaltipe: | V[8] B-V=0,90±0,07[8] V-R=0,46±0,08 R-I=0,44±0,06 |
| Skynmagnitude | 20 (met ontdekking)[2] |
| Absolute magnitude | 31,672±0,340[6] 31.7[2] |
Dit is die tweede tydelike satelliet van die Aarde wat in situ ontdek is, ná 2006 RH120 in 2006. Uit sy baan blyk dat 2020 CD3 omstreeks 2016-2017 in ’n wentelbaan om die Aarde aangetrek is en moontlik omstreeks Mei 2020 uit die Aarde se aantrekkingskrag ontsnap het.[5][8] Dit sal in Maart 2044 weer verby die Aarde beweeg, maar sal waarskynlik nie dan deur die Aarde aangetrek word nie vanweë sy groter naderingsafstand.[9][10]
2020 CD3 het ’n absolute magnitude van sowat 32, wat daarop dui dat dit baie klein is. As die vermoede reg is dat dit ’n lae albedo het omdat dit donker is, is sy deursnee sowat 1,9 tot 3,5 m.[11][12] 2020 CD3 word geklassifiseer as ’n Arjuna-asteroïde, ’n subtipe klein Apollo-asteroïde wat wentelbane soos die Aarde s’n het.[5]
Verwysings
Skakels
Wikimedia Commons het meer media in die kategorie 2020 CD3.
Hierdie artikel is in sy geheel of gedeeltelik uit die Engelse Wikipedia vertaal.
