Tuisblad

Steven Allan Spielberg KBE (gebore 18 Desember 1946) is 'n Amerikaanse regisseur, vervaardiger en draaiboekskrywer. Hy is 'n belangrike figuur in die New Hollywood-tydperk en 'n pionier van die moderne supertreffer. Hy is die kommersieel suksesvolste regisseur in die geskiedenis en is al 'n rekordgetal van 13 keer vir 'n Oscar vir beste prent benoem.

Spielberg het talle pryse gewen, insluitende drie Oscars, twee Baftas en vier Directors Guild of America-pryse, sowel as die AFI Life Achievement-prys in 1995, die Kennedysentrum-eerbewys in 2006, die Cecil B. DeMille-prys in 2009 en die Presidensiële Vryheidsmedalje in 2015. Sewe van sy rolprente is deur die Library of Congress in die Nasionale Rolprentregister ingesluit as "kultureel, histories of esteties belangrik".

Spielberg het in Kalifornië in die rolprentwese studeer. Nadat hy verskeie televisie-episodes verfilm het, het hy die TV-fliek Duel (1971) geregisseer. In 1975 het hy beroemd geraak met die supertreffer Jaws. Hy was die regisseur van nog lokettreffers soos Close Encounters of the Third Kind (1977), E.T. the Extra-Terrestrial (1982) en die oorspronklike Indiana Jones-trilogie (1981-'89). Hy het daarna die dramarolprente The Color Purple (1985) en Empire of the Sun (1987) geregisseer.

In 1993 het Spielberg twee treffers geregisseer: die wetenskapsfiksieprent Jurassic Park, die grootste lokettreffer destyds, en die Holocaustdrama Schindler's List, wat dikwels genoem word een van die beste rolprente wat nog gemaak is. Hy het die Oscar vir laasgenoemde en die epiese 1998-rolprent Saving Private Ryan oor die Tweede Wêreldoorlog gewen. Sy rolprente daarna sluit in A.I. Artificial Intelligence (2001), Minority Report (2002) en War of the Worlds (2005); die avontuurprente The Adventures of Tintin (2011) en Ready Player One (2018); die historiese dramas Amistad (1997), Munich (2005), War Horse (2011), Lincoln (2012), Bridge of Spies (2015) en The Post (2017); die musiekprent West Side Story (2021); en die halfoutobiografiese drama The Fabelmans (2022).

...lees verder

• Spanje se sokkerspan wen die eindwedstryd van die 17de UEFA Europa-beker teen Engeland met 2–1. Beide Frankryk en Nederland eindig in die halfeindrondte.
• Tydens die Wimbledon-kampioenskap wen die Tsjeggiese tennisspeler Barbora Krejčíková haar tweede Grand Slam-toernooi, terwyl die Spaanse tennisspeler Carlos Alcaraz sy vierde toernooi ingepalm het.
• Nadat die Arbeidersparty in die algemene verkiesing die sedert 2010 regerende Konserwatiewe Party verslaan, word Keir Starmer nuwe eerste minister van die Verenigde Koninkryk.
• In Nederland is die onafhanklike Dick Schoof as nuwe eerste minister ingesweer.
• In die eindstryd van die T20I-wêreldbeker 2024 op die Kensington-ovaal in Bridgetown, Barbados verslaan Indië Suid-Afrika met sewe lopies en palm sodoende sy tweede T20I-wêreldbekertitel in.

... dat Asië en Noord-Amerika op verskillende tye in die verlede deur die Beringlandbrug verbind is? Die laaste keer was tussen 22 000 en 7 000 jaar gelede.

...dat die diepste myn ter wêreld in Suid-Afrika is? Die Mponeng-myn (voormalige Western Deep Levels-myn) in Carletonville is 3,5 km diep.

...dat die Kanariese Eilande na honde vernoem is? Die oorspronklike Latynse naam, Insularia Canaria, beteken "Eiland van die honde".

...dat daar absoluut niks tussen 3 en 13 September 1752 gebeur het nie? In hierdie maand is die Juliaanse kalender in Brittanje en sy Amerikaanse kolonies met die Gregoriaanse kalender vervang. Die nuwe kalender was 11 dae voor die ou een; dus het 14 September direk op 2 September gevolg.

...dat Jane Elizabeth Waterston die eerste vrou in Suid-Afrika was wat 'n mediese praktyk geopen het?

15 Julie:

• 1606 – Die skilder Rembrandt van Rijn word in Leiden, Nederland, gebore.
• 1799 – Franse soldate ontdek die Rosettasteen op die dorpie Rasjid in Egipte se Nyldelta.
• 1916 – Die Boeing-maatskappy word in Seattle, Verenigde State, gestig.
• 1997 – Die Italiaanse modeontwerper Gianni Versace word voor sy huis in Miami doodgeskiet.
• 1999 – Die Volksrepubliek China verklaar dat hy oor die nodige tegnologie beskik om 'n neutronbom te vervaardig.