დუდხასჷლა

მოზოჯით ვიკიპედიაშა!
ვიკიმედიაშ დუდიშული ანდანინამი ენციკლოპედია

21,074 სტატია მარგალურო

გეოგრაფია ისტორია საქორთუო რელიგია მენცარობა
ჯარალუა სპორტი ტექნიკა ხელუანობა

ანბანური ოგორუ · მარგალურ ვიკიპედიაშე ·ოჩ@იე


გიშნაგორა სტატია ბეიბარს I ალ-მალიქ ალ-ზაჰირ რუქნ ალ-დინ ბეიბარს ალ-ბუნდუქდარი, უმოსო შინელი რდჷ მუჭოთ ბეიბარსი, თაშნეშე შინელი რდჷ მუჭოთ აბუ ალ-ფუთუჰი, ნამუთ შანენს "გომორძგუეფიშ მუმა"-ს (არაბ. الملك الظاهر ركن الدين بيبرس البندقداري‎‎; დ. 1223/1228 — ღ. 1 კვირკვე, 1277, დამასკო) — ეგვიპტეშ დო სირიაშ მამლუქეფიშ სასულთანოშ რანწკით მაანთხა სულთანი, ბაჰრიდეფიშ დინასტიაშ წჷმმარინაფალი. ირანიშ საილხანოშ დო ჯვაროსანეფიშ აგრესიაშ დათხინაფას არძაშე შანულამი წჷმოძინეფი მეჭირინაფილქ იჸუ სულთანი ბეიბარსიშით, ნამუთ ჩინებული ცხენენჯმადუდე რდჷ არხო ბჟაეიოლს, დო ოკათეთ გიადჷ მეტჯოხოქ აბდულ-ფუთუჰი (أبو الفتوح‎), ანუ „გომორძგუეფიშ მუმა“. თაშნეშე ჩინებული რე მუჭოთ ბეიბარს I. ბეიბარს ხვისტას 17 წანაშ განწეხანს რდჷ (1260 წანაშე 1277 წანაშახ). ანდა მუდგაინ აფჷ ნაკეთებუ ეგვიპტეშ ჸონიერი ჟისახენწჷფოთ გჷნმოქიმინუაშო. აკმიგაფუდჷ სვირეფი დო ნიშაკაგოფუეფი, ქიანაშ ხურგეფს ოურდუმე გომანგარაფეფი, დოხორეეფი დო მეჩეთეფი კაიროს, ივითარებუდჷ ხერეჭუა, დიხაშსაქვარუა, მენცარობეფი, ვაჭრუა, ხელუანობა. ჩინებული რე წჷმოძინელი ლჷმეფით ირანიშ მონღოლი ილხანეფიშ დო ევროპალი ჯვაროსანეფიშ სააწმარენჯოთ პალესტინას დო სირიას. ქიგნაჯინით სტატიას... კანდიდატეფი შხვა გიშნაგორა სტატიეფი
გიჩქუდესო, ნამჷ-და...
ვიკიპედიაშ ახალი მასალეფშე: კოლხეთიშ ერუანული პარკიშ ართამი მიოჯინი ... იასონი დო არგონავტეფიშ გეშა მითოლოგიას ფიგურირენს კოლხეთიშ ერუანული პარკინ? ... 1802 წანაშ პირელს, ქორთუ ჟინოთალეფი, ნამუეფჷთ რუსეთიშით საქორთუოშ ანექსიაშ სააწმარენჯოთ გიშმეშესჷნ, ქართის მადვალი სიონიშ ოხიდას აკოშაყარეს, მუკი-მუკი რუსიშ ჯარი გორინელეფი აძვილეს რუსეთიშ საიმპერატორო გურგინიშ წჷმი დოფუჩაფან? ... იგოეთიშ გოხოლუას მანჯებული გონთხორუეფიშის მენაგორეფუ მუკნაჭარა, კავკაციაშ შხვა მიკნაჭარეფშე 1000 წანათ უმოსი ჯვეში რენ? ...წალენჯიხაშ ოკათედრე ოხიდა მოხანტილი რე XII-XIV ოო. ბიზანტიური პალეოლოგიური ხელუანობაშ ფრესკეფითინ? ... ერაყის მაართა სტამბა 1829 წანას ქორთული გამნარყიშ მამლუქიქ დაუდ-ფაშა გურჯიქ (დავით მანველაშვილი) დარსხუნ? ...დადიანეფიშ დოხორეს, ნამუთ XIX ო-აშ 80-ამ წანეფს რე ეგაფილი რუსი არქიტექტორიშ ლეონიდ ვასილიევიშითინ, საქორთუოს წჷმოსქილადირ დოხორეეფშე არძოშე დიდი ომეჯლისე დარბაზი უღუნ? ...ასოეფიშ — ჷ დო ჸ-შ ეკოროფუა ქორთულ კლავიატურას მარძგვანი Alt დო J დო მარძგვანი Alt დო Y კონჭეფიშ გენჭირათ შილებენ?.
დღაშ სურათი Patrouille de France-იშ პილოტეფიშ ბუნა ავიაშოუს, პოლონეთი Patrouille de France-იშ პილოტეფიშ ბუნა ავიაშოუს, პოლონეთი 📸 შხვა სურათეფი 📸

ახალი ამბეეფი
დონალდ ტრამპი ააშ-იშ ჸოფირი პრეზიდენტი დონალდ ტრამპიქ (სურათის) დიჭყოლჷ გენთხაფაშ შედეგო, ჟირი ადამიერი, თინეფს შქას გემანთხაფალი, ჸვილი რე. უკრაინას რუსული მასობური სარაკეტო მეგამეფიშ გეშა, არძაში უკულაში 30 ადამიერქ გოჭყორდჷ, მეგემაშ გიმე ქუმოხვადჷ ქიანაშ უკაბეტაში ჩქჷჩქუეფიშ ოსქილადექ. საფრანგეთის რანწკუმუშო საპარლამენტო გიშაგორუეფს მეკვარჩხანე პოლიტიკური პარტიეფიშ ოგიშაგორუე ბლოკიქ, ახალი ოკათე ფრონტიქ გიმორძგჷ. ირანიშ საპრეზიდენტო გიშაგორუეფს მასუდ პეზეშკიანქ გიმორძგჷ. გოართოიანაფილი ომაფეშ საპარლამენტო გიშაგორუეფს გიმორძგჷ ლეიბორისტული პარტიაქ, კირ სტრამერქ პრემიერ-მინისტრო გჷნირთუ. დიკ სხოფიქ ნიდერლანდეფიშ პრემიერ-მინისტრო გჷნირთუ. მიმალი: რუსეთიშ მინოკათუა უკრაინაშა (2022-ა. შ.) • სუდანიშ ომენოღალე ლჷმა (2023-ა. შ.) • ისრაელ-ჰამასიშ ლჷმა • ევროპაშ ოკუჩხბურთე ჩემპიონატი 2024
ამდღანერი დღა ისტორიას
14 კვირკვე — თე დღას... ბასტილიის აღება 1223 : საფრანგეთიშ ომაფე ხვისტაშ ეშარტჷ ლუი VIII-ქ, მუამუშიშ, ფილიპ II-აშ ღურაშ უკული. 1789 : პარიზალეფქ შტურმით გეჭოფეს ბასტილიაშ ჯიხა (სურათის) დო შკვით პატიმარი გადუდიშულეს. დიჭყჷ საფრანგეთიშ რევოლუციაქ. 1933 : გლაიხშალტუნგი — გერმანიას ვაშინერებუ არძა პოლიტიკური პარტიაქ, ნაცისტურიშ მოხ. 1954 : ააშ-იშ მისურიშ დო ილინოისიშ შტატეფიშ კანკალე ნოღას თერმომეტრიშ ნაკაკაქ 50 °C-ს გინაჩირთჷ, ნამუთ რეკორდული რდჷ თე რეგიონიშო. 1958 : ერაყიშ რევოლუცია — არაბი ნაციონალისტეფქ ქიანას გოინორთაფა მანწყუეს. მონარქია რესპუბლიკაქ დოთირჷ. აბდ ალ-ქარიმ კასიმიქ ქიანაშ ახალი ლიდერო გჷნირთუ. 1995 : ხონარიშ დინოჭარუაშ MP3 ფორმატიქ გიმიცხადჷ. 2002 : ბასტილიაშ დღაშ ეშანუაშ ზეიმს საფრანგეთიშ პრეზიდენტი ჟაკ შირაკიქ გემანთხაფეშე ღურუს აკაბუცხას გინასქიდჷ. 📖 შხვა მოლინეფი 📖
ახალი სტატიეფი
რიჩარდ ფილიპს ფეინმანი (ინგლ. Richard Philips Feynman [ˈfaɪnmən]; დ. 11 მესი, 1918, ნიუ-იორქი ― ღ. 15 ფურთუთა, 1988, ლოს-ანჯელესი) — ამერიკალი ფიზიკოსი, ნობელიშ პრემიაშ ლაურეატი ფიზიკას (1965). 1943-1945 ბირთვული ანჯარიშ ქიმინუაშე მომუშე, მანჰეთენიშ პროექტიშ აქტიური მაკათური ლოს-ალამოსის, თაშნეშე რდჷ კოსმოსური შატლ „ჩელენჯერიშ“ კატასტროფაშ კჷლმაგორალი პანელიშ მაკათური. (ქიგნაჯინით სტატიას) ჭიჭე მაფასქირი (ფრანგ. Le Petit Prince) — ალეგორიული ნოველა; ფრანგი არისტოკრატიშ, ჭარუშ, პოეტიშ დო მაფურინეშ ანტუან დე სენტ-ეგზიუპერიშ არძოშე უმოსო ჩინებული ნახანდი. მაართათ გჷშეშქვინჷ 1943 წანას ნიუ-იორკის. ჭიჭე მაფასქირი ირიშენ უმოსი კითხირებული დო ირიშენ უმოსი თანგილი ფრანგულნინამი წინგი რე. საფრანგეთის თინა XX ოშწანურაშ საუჯგუშო წინგო აკირჩქინეს. გინოთანგილი რე 250-შე უმოსი ნინაშა დო დიალექტშა (თინეფ შქას ბრაილშა), მოსოფელიშ მასშტაბით გიმოჩამილი რე 140-შე უმოსი ეგზემპლარი დო წჷმარინუანს ირი ბორჯიშ ართ-ართი წჷმოძინელ ბესთსელერს. (ქიგნაჯინით სტატიას) ერნესტო რაფაელ გევარა დე ლა სერნა (დ. 14 მანგი, 1928 — ღ. 9 გჷმათუთა, 1967) — ოირკოჩეთ ჩინებული, მუჭოთ „ჩე გევარა“, ვარა „ელ ჩე“ რდჷ არგენტინალი ექიმი, მარქსისტი რევოლუციონერი, პოლიტიკოსი, კუბაშ პარტიზანული ლიდერი. (ქიგნაჯინით სტატიას) ფრიდრიხ ავგუსტ ფონ ჰაიეკი (დ. 8 მესი. 1899, ვენა — ღ. 23 მელახი. 1992, ფრაიბურგი, ბადენ-ვიურტემბერგიშ აკანს) ავსტრიალი ეკონომისტი. გათუ ვენაშ უნივერსიტეტი (1921). რდჷ ავსტრიაშ ეკონომიური რკვიეფიშ ინსტიტუტიშ დირექტორი (1927-1931), ლონდონიშ (1931-1950), ჩიქაგოს (1950-1962), ფრაიბურგიშ (1962-1969) უნივერსიტეტეფიშ პროფესორი, 1970-შე ზალცბურგიშ (ავსტრია) უნივერსიტეტიშ პროფესორ-კონსულტანტი. (ქიგნაჯინით სტატიას)